روپے نے ڈالر کو بچھاڑدیا، ڈالر 160 روپے سے نیچے آگیا

Dollar PKR

روپے کے مقابلے میں امریکی ڈالر کی قیمت میں کمی کا تسلسل برقرار

میڈیا رپورٹس کے مطابق پاکستانی روپے کے مقابلے میں امریکی کرنسی کی قدر میں کمی کا تسلسل رواں کاروباری ہفتے کے چوتھے روز بھی برقرار ہے، رواں کاروباری ہفتے کے چار روز کے دوران روپے کے مقابلے میں امریکی ڈالر 92 پیسے نیچے آ چکا ہے۔

پاکستان سٹیٹ بینک کی جانب سے سوشل میڈیا کی ویب سائٹ ٹویٹر پر جاری کردہ اعدادوشمار کے مطابق رواں کاروباری ہفتے کے چوتھے روز انٹر بینک میں امریکی ڈالر کی قدر میں 24 پیسے کی مزید کمی دیکھی گئی ہے، جس کے بعد ڈالر 159 روپے 31 پیسے سے کم ہوکر 159 روپے 07 پیسے پر آ گیا ہے۔

یاد رہے کہ رواں کاروباری ہفتے کے پہلے (پیر) کے روز امریکی ڈالر کی قدر میں 43 پیسے اور اسی طرح بالترتیب منگل اور بدھ کو 21 پیسے اور 4 پیسے کی کمی ریکارڈ کی گئی تھی، امریکی ڈالر کی قدر میں مسلسل کمی کی وجہ سے روپے کی قدر انٹربینک میں مستحکم ہونا شروع ہو گئی ہے۔

دوسری جانب پاکستان سٹاک ایکسچینج میں آج کاروباری روز کے اختتام پر 588 پوائنٹس کی کمی آئی جس کی وجہ سے سرمایہ کاروں کے اربوں روپے ڈوب گئے جبکہ انڈیکس 46055 کی سطح پر بند ہوا۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >