علی گُل پیر نے "عورت مارچ” کے موضوع پر بھی گانا جاری کر دیا، سوشل میڈیا پر مقبول

معروف پاکستانی گلوکار، ریپر اور کامیڈین علی گُل پیر نے آج عالمی سطح پر منائے جانے والے خواتین کے حقوق کے دن کی مناسبت سے ایک گانا جاری کر دیا جس میں خواتین کے حقوق جیسے اہم موضوع کی جانب توجہ دلائی گئی ہے۔

علی گُل پیر کی جانب سے اپنے سوشل میڈیا پلیٹ فارمز پر عورت مارچ سے مشہور ہونے والا متنازع سلوگن "میراجسم میری مرضی” جاری کیا گیا ہے۔ ان کے اس گانے پر دیکھتے ہی دیکھتے ہزاروں لائیکس اور کمنٹس آ نا شروع ہو گئے ہیں۔

علی گُل پیر کے گانے کی ویڈیو اورمصرعوں کے ذریعے گھروں میں ہونے والے عورتوں پر تشدد کے خلاف آواز اٹھائی گئی ہے۔

علی گل پیر نے گانے کا آغاز نامور رائٹر خلیل الرحمان پر طنزیہ جملے سے کیا اور اس میں ’تیرا جسم میری مرضی‘، ’چپ عورت اچھی اور بولنے والی گندی‘ جیسے جملوں کا استعمال کیا جو مداحوں خاص طور پر خواتین کو بے حد پسند آرہا ہے جب کہ انہوں نے ’عورت مارچ‘ کا ہیش ٹیگ بھی استعمال کیا۔

  • لگتا ہے الی گل پیر کے گھر کا ماحول کچھ ٹھیک نہیں تھا بچپن میں ، بھائی اب کونسا دور ہے عورتوں کے کھانے خراب بنانے سے مار کھانے والا ، یا کوئی انتہائی جہالت زدہ علاقہ میں ہو تو شائد ٹھیک ورنہ ، ایسا نہیں جیسی بونگی ماری گانے میں

  • ہر انسان اپنی اوقات کے مطابق بات کرتا ہے، آپ کا گانا سن کر آپ کی ذہئنی صلاحیت کا اندازہ ہوا ہے، بجائے اس کے کہ آپ لوگ معاشرے کو درست سمت میں لے کر جائیں، مجھے لگتا ہے کہ جو کچھ آپ نے وڈیو میں دکھانے کی کوشش کی ہے، کچھ ایسا آپ کے گھر میں ہوتا رہا ہے، اللہ پاک آپ لوگوں کو ہدایت دے، اور بجائے مقابلے کے آپ لوگ ہماری سوسائٹی کو درست سمت میں لے کر جائیں، جس عقل، اور شعور کی ہمارے معاشرے کو ضرورت ہے، اللہ پاک آپ کو وہ کام کرنے کی ہدایت دے، آمین۔ یہ دنیا اور اس کی ہر چیز عارضی ہے، اور جس سستی شہرت کے لیے آپ نے یہ کام کیا، اللہ پاک آپ کو ہدایت دے،


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >