مندروں میں دودھ، تیل اور ناریل ضائع کیا جا رہا ہے، اکشے کمار

مندروں میں دودھ، تیل اور ناریل ضائع کیا جا رہا ہے، کسان بھوکے مر رہے ہیں، بھارتی اداکار اکشے کمار

کھلاڑی نمبر ون کے نام سے مشہور بھارتی اداکار اکشے کمار نے ایک ٹی وی پروگرام کے دوران کہا کہ بھارت میں کسان بھوک سے مر رہے ہیں جب کہ دوسری جانب مندروں میں تیل، دودھ اور ناریل ضائع کیا جا رہا ہے۔

اکشے کمار نے کہا کہ آخر کیوں بھارت میں مندروں کے اندر اتنا زیادہ دودھ، تیل اور ناریل ضائع کیا جا رہا ہے۔ انہوں نے کہا کہ ایسا کہاں لکھا ہے کہ گاڈ نے کہا ہو مجھے دودھ دینا یا ہنومان نے کہا ہو کہ مجھے تیل ہی ڈالنا؟ کیونکہ مجھے سمجھ نہیں آتا کہ اتنا سب کچھ کس لیے ضائع کیا جا رہا ہے۔

کھلاڑیوں کے کھلاڑی اکشے کمار نے کہا کہ ایک طرف تو کہا جاتا ہے کہ کسان بھوک سے مر رہے ہیں جس کی وجہ خوراک کی کمی اور پیسے کا فقدان ہے۔ تو جتنا کچھ بھگوان پر ضائع کیا جا رہا ہے وہ سب ان کسانوں کو دیا جانا چاہیے۔

انہوں نے کہا کہ وہ مندر میں جاتے ہیں اور دیکھتے ہیں کہ وہاں کتنا کچھ بھگوان کے نام پر ضائع کیا جا رہا ہے جس سے اس کو فرق بھی نہیں پڑتا۔ انہوں نے کہا کہ ناریل ضائع کیا جاتا ہے مگر کونسے بھگوان نے کہا ہے کہ میرے اوپر ناریل پھوڑو۔

اکشے کمار نے کہا کہ ہمیں اس سوچ کو پروان چڑھانے کی ضرورت ہے کہ چیزوں کو بدلنا چاہیے تاکہ حقیقی تبدیلی آ سکے۔ انہوں نے کہا کہ بھگوان کی خوشنودی کے لیے سب سے اچھی چیز ہے کہ اچھے کام کیے جائیں اور اس کے لیے آپ کو کسی مندر جانے کی بھی ضرورت نہیں ہے۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >