اسرائیل:کروناسے بچاؤ کی ویکسین لگوانے والے سینکڑوں شہریوں کی حالت بگڑ گئی

اسرائیل:کروناسے بچاؤ کی ویکسین لگوانے والے سینکڑوں شہریوں کی حالت بگڑ گئی

اسرائیل میں کرونا وائرس سے تحفظ کی ویکسین لگوانے والے 13 شہری فالج کا شکار، سینکڑوں کی حالت بگڑ گئی

تفصیلات کے مطابق عالمی سطح پر جان لیوا قرار دی گئی کرونا وائرس کی وبا سے تحفظ فراہم کرنے والی ویکسین کی تیاری کا دعوٰی کرنے والے ملک اسرائیل میں کرونا وائرس کی ویکسین لگوانے والے 13 شہری فالج کا شکار ہو گئے جبکہ سینکڑوں کی حالت بگڑ گئی ہے۔

بین الاقوامی میڈیا نے اپنی رپورٹ میں دعویٰ کیا ہے کہ کرونا وائرس سے تحفظ فراہم کرنے والی ویکسین تیار کرنے والی امریکی کمپنی فائزر کی تیار کردہ ویکسین لگنے سے 13 شہریوں کو فالج ہو گیا ہے۔

دوسری جانب اسرائیلی ڈاکٹر کی جانب سے بھی یہ خدشہ ظاہر کیا گیا ہے کہ ویکسین کے منفی نتائج سامنے آنے کی وجہ سے مزید لوگ بھی بیمار پڑ سکتے ہیں، جس کی وجہ سے وہ متاثرہ لوگوں کو ویکسین کی دوسری خوراک فراہم کرنے سے گریز کر رہے ہیں۔

غیر ملکی میڈیا کی رپورٹ کے مطابق اسرائیلی ڈاکٹروں کی جانب سے یہ کہا گیا ہے کہ کرونا وائرس سے تحفظ فراہم کرنے والی ویکسین کی دوسری خوراک شہریوں کو اسی صورت میں دیں گے جب ان کی حالت میں بہتری آئے گی، ورنہ متاثرہ لوگوں کو ویکسین کی دوسری خواراک نہیں دی جائے گی۔

یاد رہے کہ اس سے قبل امریکی فارماسیوٹیکل کمپنی فائزر کی تیار کردہ کرونا وائرس سے تحفظ فراہم کرنے والی ویکسین کی ویکسینیشن کے بعد ناروے میں 29 بڑی عمر کے افراد جاں بحق ہو چکے ہیں، جس کی وجہ سے ناروے نے بھی اپنے شہریوں کی ویکسینیشن کا عمل روک دیا ہے۔

  • Why are you spreading wrong information. The video you attached says that people with "underlying medial history” with age over 80 dies after getting 1st shot of vaccine.
    It doesn’t mentioned anywhere about Israel.
    You should be ashamed on it


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >