کرونا کی احتیاطی تدابیر ہوا میں اڑا دیں،وزیر تعلیم خیبر پختونخوا اہم اجلاس میں سگریٹ کے کش لگاتے رہے

تفصیلات کے مطابق خیبرپختونخوا کے وزیر تعلیم اکبر ایوب نے اہم اجلاس میں کرونا وائرس سے بچاؤ کی حکومتی احتیاطی تدابیر ہوا میں اڑا دیں۔ وزیر تعلیم اکبر ایوب سماجی فاصلے میں بے احتیاطی اور دفتری قواعد کی خلاف ورزی کرتے ہوئے اہم اجلاس کے دوران سگریٹ کے کش لگاتے رہے۔

صوبائی وزیر تعلیم نے سول سیکرٹریٹ خیبر پختونخوا میں ہوئے اہم اجلاس کے دوران کرونا وائرس سے بچاؤ کی احتیاطی تدابیر اپنائیں اور نہ ہی اجلاس میں موجود شرکاء سے مناسب فاصلہ برقرار رکھا جو کہ حکومت کی جانب سے دیئے گئے احکامات کی کھلم کھلا خلاف ورزی ہے اور پانچ افراد کے اجلاس میں سماجی فاصلے کا بھی خیال نہ رکھا گیا۔

صوبائی وزیر تعلیم خیبر پختونخوا کی زیرصدارت سول سیکرٹریٹ میں آج ہی اساتذہ کے تبادلوں کے نظام بنائے جانے کے حوالے سے اہم اجلاس ہوا۔ اجلاس کی صدارت کرتے ہوئے وزیر تعلیم اکبر ایوب سگریٹ کے کش لگاتے رہے اور اجلاس دھواں دھواں کر دیا۔ دوسری جانب وزیرتعلیم کے مطابق ای ٹرانسفر کے نظام سے ٹرانسفر کے لیے تقریبا پندرہ ہزار اساتذہ نے رجسٹریشن کروائی ہے


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >