چترال میں پہلے فائیو اسٹار سیاحتی ریزورٹ کا سنگ بنیاد

چترال میں اب تک کی سب سے بڑی سرمایہ کاری کردی گئی، 3 کروڑ ڈالرز کی لاگت سے تیار ہونے والے چترال کے پہلے فائیو اسٹار سیاحتی ریزورٹ کا سنگ بنیاد رکھ دیا گیا ہے،

وزیراعظم کے معاون خصوصی زلفی بخاری نے بی جان فائیو اسٹار ہوٹل کا سنگ بنیاد رکھا گیا، پاکستانی نژاد امریکی شہری انور امان ہوٹل انڈسٹری میں خطیر سرمایہ کاری کریں گے،انہوں نے کہا کہ 5 ارب کی لاگت سے تعمیر ہوٹل چترال کی خوبصورتی میں اضافہ کرے گا، 80 بستروں پر مشتمل ہوٹل کی تعمیر سے مقامی لوگوں کے لیے روزگار پیدا ہوگا، شمالی علاقہ جات میں چترال سیاحت کے لیے بہترین مرکز بن جائے گا۔

زلفی بخاری کا کہنا تھا کہ وزیر اعظم سے روزانہ سیاحت کے فروغ پر گفتگو ہوتی ہے،وزیر اعظم ملک میں سیاحتی سرگرمیوں میں تیزی چاہتے ہیں، ہر صبح وزیر اعظم کا پیغام ملتا ہے آج سیاحتی شعبے سے متعلق کیا فیصلہ ہوا؟پاکستان میں پہلی بار حکومت نے سیاحتی پالیسی تشکیل دی ہے، پالیسی پر عملدر آمد کے لیے 10 سال کا ایکشن پلان تیار کیا،ہم سیاحت میں بھارت اور ملائیشیا سے مقابلہ کریں گے۔

معاون خصوصی نے بتایا کہ ملکی تاریخ میں پہلی بار برانڈ پاکستان لانچ کرنے جا رہے ہیں، پورے ملک کی سیاحت سے متعلق معلومات ایک ہی پورٹل پر ملے گی،وفاقی حکومت ہر صوبے میں سیاحتی زون بنانے جا رہی ہے،سیاحتی مقامات کی سیکیورٹی کے لیے ٹور ازم پولیس تشکیل دے رہے ہیں۔

انہوں نے مزید کہا کہ چترال کے عوام کی طرف سے سڑکوں کی تعمیرکی درخواستیں آئی ہیں، آپ کو چترال، شندور روڈ کی تعمیر کی خوشخبری دینا چاہتا ہوں۔ چترال تا شندور 150 کلو میٹر روڈ پر کام جلد شروع ہوجائے گا،حکومت آنے کے بعد غیر ملکی سرمایہ کاری میں 206 فیصد اضافہ ہوا، ہوٹل انڈسٹری میں بڑی سرمایہ کاری پر انور امان کے شکر گزار ہیں۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >