سینئر قانون دان نعیم بخاری کو پی ٹی وی کا چیئرمین تعینات کر دیا گیا

میڈیا رپورٹس کے مطابق ایک سینیئر قانون دان نعیم بخاری کو پاکستان ٹیلی ویژن (پی ٹی وی) کا چیئرمین تعینات کردیا گیا ہے، نعیم بخاری کے پی ٹی وی کے چیئرمین کے تقرر کا نوٹی فکیشن بھی جاری کردیا گیا ہے۔

حکام کی جانب سے جاری کیے گئے نوٹیفیکیشن کے مطابق سینئر قانون دان پاکستان ٹیلی ویژن کے بورڈ ممبر بھی ہوں گے، جو پی ٹی وی کے چیئرمین کی ذمہ داریوں کے علاوہ پاکستان ٹیلی ویژن کے بورڈ ممبر کے طور پر بھی اپنے فرائض سر انجام دیں گے۔

خیال رہے کہ اسلام آباد ہائی کورٹ کے جسٹس محسن اختر کیانی نے 17ستمبر 2020 کو پاکستان ٹیلی ویژن میں غیر قانونی تعیناتی و سے متعلق فیصلہ سنایا تھا اور چیئرمین پی ٹی وی ارشد خان کی تقرری کو غیر قانونی قرار دیتے ہوئے ان کو عہدے سے ہٹا دیا تھا۔

اسلام آباد ہائی کورٹ کے جسٹس محسن اختر کیانی نے پی ٹی وی کے ایم ڈی عامر منظور کی تعیناتی کے خلاف دائر درخواست مسترد کرتے ہوئے ان کی تعیناتی کو قانونی قرار دیا تھا جبکہ عدالت نے اپنے فیصلے میں ارشد خان، راشد علی خان اور فرمان اللہ جان کو آئندہ تعینات نہ کرنے کا حکم جاری کیا تھا۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >