اپنے بیان پر فرانس سے نہ معافی مانگی ہے اور نہ کبھی مانگوں گی،شیریں مزاری

اپنے بیان پر فرانس سے نہ معافی مانگی ہے اور نہ کبھی مانگوں گی،شیریں مزاری

نیوز ویب سائیٹ کو خصوصی انٹرویو دیتے ہوئے وفاقی وزیر برائے انسانی حقوق شیریں مزاری کا فرانس سے متعلق اپنے بیان پر کہنا تھا کہ نا فرانس سے معافی مانگی ہے اور نہ ہی کبھی اپنے بیان پر فرانس سے معافی مانگوں گی، میری معافی مانگنے کی کوئی وجہ ہی نہیں ہے اور نہ ایسا میرا کوئی ارادہ ہے۔

وفاقی وزیر کا فرانس سے متعلق اپنا ٹویٹ ڈیلیٹ کرنے کی وضاحت کرتے ہوئے کہنا تھا کہ میں نے ایک خبر پڑھی تھی اور اس پر اپنا تجزیہ دیا تھا لیکن جب وہ خبر واپس ہو گئی تو میں نے بھی اپنا ٹویٹ ڈیلیٹ کردیا، لیکن میرے ٹویٹ ڈیلیٹ کرنے پر فرانس اور دیگر جگہوں پر کہا جا رہا ہے کہ میری معافی قبول کرلی گئی ہے۔

وفاقی وزیر برائے انسانی حقوق شیریں مزاری کا اپنے انٹرویو میں کہنا تھا کہ لیکن میں یہ آج واضح کرنا چاہتی ہوں کہ میں نے صرف اپنا ٹویٹ ڈیلیٹ کیا تھا کسی سے معافی نہیں مانگی اور نہ ہی میرا معافی مانگنے کا کوئی ارادہ ہے۔

وفاقی وزیر کا اپنے انٹرویو میں کہنا تھا کہ فرانس دوسروں سے توقع کرتا ہے کہ وہ آزادی اظہار رائے کا احترام کرے تو پھر فرانس کے صدر ایمانوئیل میکخواں کی باری آزادی اظہار رائے کہاں چلا گیا؟ جب ان کے خلاف کچھ کہا جائے تو انہیں اپنی توہین محسوس ہوتی ہے لیکن جب وہ پیغمبر اسلام ﷺ  پر توہین آمیز حملہ کرتے ہیں تو ہمیں بھی غصہ آتا ہے لیکن وہ خود اس کو آزادی اظہار رائے کا نام دیتے ہیں۔

انہوں نے کہا کہ مغرب نبی آخر الزماں حضرت محمد ﷺ  کی ذات اقدس پر حملہ کر کے اور قرآن پاک کی بے حرمتی کرتے ہوئے اسے جلا کر آزادی اظہار رائے کا نام دے کر تکبر اور منافقت کر رہا ہے۔

یاد رہے کہ وفاقی وزیر برائے انسانی حقوق شیریں مزاری کا فرانس میں مسلمان بچوں کو شناختی نمبر الاٹ کرنے کے اقدام کے حوالے سے خبر پر اپنے رد عمل کا اظہار کرتے ہوئے اپنی ٹویٹ میں کہنا تھا کہ ” فرانسیسی صدر مسلمانوں کے ساتھ وہی سلوک کر رہے ہیں جو نازیوں نے یہودیوں کے ساتھ کیا تھا”، جس پر فرانس نے ناراضگی کا اظہار کرتے ہوئے وفاقی وزیر سے اپنی ٹویٹ پر معافی مانگنے کا مطالبہ کیا تھا۔

اپنے بیان پر فرانس سے نہ معافی مانگی ہے اور نہ کبھی مانگوں گی،شیریں مزاری

    • Don’t u think her tweet is not related to her ministry but the foreign ministry?
      Only good news she can give to us as a PTI supporters is to resign from Minister Ship and MNA seat. She is wasting MNA seat.


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >