نا مکمل انڈر پاس کا افتتاح کرنے پر شہری وزیراعلی پنجاب عثمان بزدار پر برس پڑے

وزیراعلی پنجاب عثمان بزدار نے نا مکمل انڈر پاس کا افتتاح کر دیا

وزیر اعلی پنجاب سردار عثمان بزدار کی جانب سے فردوس مارکیٹ میں نامکمل لال شہباز قلندر انڈر پاس کا افتتاح کرکے شہریوں کے مسائل مزید بڑھا دیے گئے ہیں، وزیر اعلی پنجاب کی جانب سے جس انڈرپاس کا افتتاح کیا گیا نا تو وہ منصوبہ مکمل ہے اور نہ ہی اس کی فنیشنگ ہوئی ہے۔

خبر رساں ادارے کی رپورٹ کے مطابق فردوس مارکیٹ کے نامکمل انڈرپاس کی سیوریج، اور اطراف کی سڑکوں پر تاحال کام جاری ہے، کئی ماہ کی تاخیر کے بعد بھی نا مکمل انڈر پاس کی وجہ سے وہاں سے گزرنے والے شہریوں کو شدید مشکلات کا سامنا کرنا پڑ رہا ہے، چھ ماہ کا طویل عرصہ گزرنے کے باوجود بھی لاہور ڈویلپمنٹ اتھارٹی کی جانب سے انڈر پاس کا کام مکمل نہ کیا جا سکا۔

لاہور کے شہریوں کا نامکمل انڈر پاس کے افتتاح کیے جانے کا شکوہ کرتے ہوئے کہنا تھا کہ منصوبہ نامکمل ہونے کی وجہ سے انہیں شدید مشکلات کا سامنا کرنا پڑ رہا ہے جبکہ انڈرپاس مکمل نہ ہونے کی وجہ سے ٹریفک کا مسئلہ وہی پرانا کا پرانا ہی ہے اگر انڈرپاس مکمل ہونے پر افتتاح کیا جاتا تو تھوڑا ٹریفک کا مسئلہ حل ہوسکتا تھا۔

فردوس مارکیٹ کے نا مکمل انڈرپاس کے ٹھیکیدار کا اس حوالے سے کہنا تھا کہ منصوبے کو مکمل کرنے کے لیے ابھی کچھ روز لگیں گے، جس پر لاہور کے شہریوں نے پنجاب حکومت کو مشورہ دیتے ہوئے کہا کہ منصوبوں کا افتتاح ضرور کریں لیکن تب جب وہ مکمل ہوجائیں، نامکمل منصوبوں کا افتتاح کر کے لوگوں کی مشکلات نہ بڑھائی جائیں۔

  • کیسی قوم ہے جہاں کے لیڈران ہسپتالوں کی سکیننگ مشینوں، واٹر فلٹریشن یونٹس، انڈر پاسز، پلوں، نلکوں اور نالیوں کے بھی افتتاح کرتے ہیں اور انہیں شرم بھی نہی آتی۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >