برطانوی شہزادہ چارلس کا وزیراعظم عمران خان کو فون

وزیراعظم عمران خان، شہزادہ چارلس ٹیلیفونک رابطہ، عالمی چیلنجز سے نمٹنے کے لیے باہمی تعاون پر اتفاق

میڈیا رپورٹس کے مطابق کے وزیراعظم عمران خان اور پرنس آف ویلز شہزادہ چارلس کے درمیان ٹیلی فونک رابطہ ہوا ہے، دونوں رہنماؤں کے درمیان ٹیلی فونک رابطے میں پاکستان اور برطانیہ کے تعلقات پر گفتگو ہوئی ہے۔

ٹیلی فونک رابطے میں پرنس چارلس نے پاکستان میں کرونا وائرس کے باعث اموات پر اظہار افسوس کرتے ہوئے تعزیت کی ہے، شہزادہ چارلس کا کہنا تھا کہ کرونا وائرس کی وبائی صورتحال کے دوران برطانیہ پاکستان میں کمزور افراد کی مدد کر رہا ہے۔

وزیراعظم عمران خان اور شہزادہ چارلس کے درمیان ٹیلی فونک رابطے میں عالمی چیلنجز سے نمٹنے کے لیے حال میں تعاون کی ضرورت پر بھی اتفاق کیا گیا ہے، شہزادہ چارلس سے کی جانب سے یہ بھی بتایا گیا ہے کہ برطانیہ اگلے سال سی او پی 26 کی میزبانی کرے گا۔

پرنس آف ویلز شہزادہ چارلس نے موسمیاتی تبدیلی کے خطرے سے نمٹنے کے لیے پاکستان کے کردار کا خیر مقدم کیا ہے، شہزادہ چارلس نے ٹیلی فون کے رابطے میں ہیں یہ بھی کہا کہ برطانیہ پاکستان میں قابل تجدید توانائی کے استعمال کے اضافے کی حمایت کرتا ہے۔