حکومت نے پٹرولیم مصنوعات کی قیمتوں میں اضافہ کر دیا

وفاقی حکومت نے رواں سال کے آغاز پر دوسری بار پٹرولیم مصنوعات کی قیمتیں بڑھا دی ہیں۔ نئی قیمتوں کا اطلاق آج رات 12 بجے سے ہوگا۔

معاون خصوصی برائے سیاسی روابط ڈاکٹر شہباز گل نے مائیکرو بلاگنگ ویب سائٹ ٹوئٹر پر بتایا کہ وزیراعظم نے اوگرا اور فنانس ڈویژن کی طرف سے پٹرول کی قیمت میں 13 روپے فی لٹر بڑھانے کی سمری منظور نہیں کی اور قیمتوں میں کم سے کم اضافے کا فیصلہ کیا۔

وزیراعظم نے اوگرا اور فنانس ڈویژن کی طرف سے پٹرول کی قیمت کو 13 روپے فی لیٹر بڑھانے کی سمری منظور نہیں کی۔ اور قیمتوں کو کم سے کم بڑھانے کا فیصلہ کیا۔نئی قیمتیں کچھ یوں ہوں گی

MS (Petrol) +Rs. 3.20/liter
High Speed Diesel + Rs. 2.95/liter
Kerosene. + Rs. 3.00/liter pic.twitter.com/b3aggvq4CQ

— Dr. Shahbaz GiLL (@SHABAZGIL) January 15, 2021

نوٹیفیکیشن کے مطابق پیٹرول کی قیمت میں 3 روپے 20 پیسے، ہائی سپیڈ ڈیزل کی قیمت میں 2 روپے 95 پیسے اور مٹی کے تیل کی قیمت میں 3 روپے کا اضافہ منظور کیا گیا ہے۔ پیٹرول کی نئی قیمت 109.20 روپے، ہائی اسپیڈ ڈیزل کی قیمت 113.19 روپے اور مٹی کے تیل کی قیمت 76.65 روپے ہوگی۔

نوٹیفیکیشن کے مطابق اوگرا اور فنانس ڈویژن نے پیٹرول کی قیمت میں 13.7 روپے، ہائی اسپیڈ ڈیزل کی قیمت میں 11.03 روپے اور مٹی کے تیل کی قیمت میں 10.55 روپے اور لائٹ ڈیزل کی قیمت میں 15.33 روپے اضافہ کرنے کی سمری بھیجی تھی۔

یاد رہے کہ حکومت نے دسمبر کے اختتام پر پیٹرولیم مصنوعات کی قیمتوں میں 3 روپے 95 پیسے فی لٹر تک اضافے کی منظوری دے دی تھی۔