جعلی بینک اکاؤنٹس کیس: وزیراعلی سندھ مراد علی شاہ کے خلاف ریفرنس دائر

میڈیا رپورٹس کے مطابق جعلی بینک اکاؤنٹس کیس میں مزید پیش رفت سامنے آئی ہے، قومی احتساب بیورو (نیب) کی جانب سے وزیراعلی سندھ سید مراد علی شاہ کے خلاف جعلی بینک اکاؤنٹس کیس میں ریفرنس دائر کر دیا گیا ہے۔

اسلام آباد کی احتساب عدالت میں نیب کی جانب سے دائر کردہ ریفرنس میں وزیراعلی سندھ سید مراد علی شاہ کے خلاف توانائی منصوبوں پر خلاف ضابطہ فنڈز جاری کرنے اور توانائی کے منصوبوں میں اپنے اختیارات کا ناجائز استعمال کرنے کا الزام عائد کیا گیا ہے۔

نیب کے دائر کردہ ریفرنس میں کہا گیا ہے کہ وزیراعلی سندھ نے سندھ میں توانائی منصوبوں میں اپنے اختیارات کا غلط استعمال کرتے ہوئے فنڈز جاری کیے ہیں، نوری آباد پاور کمپنی، سندھ ٹرانسمیشن اینڈڈسپیچ کمپنی میں بھی اربوں روپے کی مالی بے ضابطگیوں کا انکشاف ہوا ہے۔

احتساب عدالت اسلام آباد میں دائر نیب ریفرنس میں وزیراعلی سندھ سید مراد علی شاہ سمیت اومنی گروپ کے سربراہ عبدالغنی مجید سمیت 17 دیگر ملزمان کو بھی نامزد کیا گیا ہے، جن کے خلاف جعلی بینک اکاؤنٹس کیس کی تحقیقات جاری ہیں۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >