پنجاب حکومت کی قبضہ مافیا کے خلاف ریکارڈ کارروائیاں،اربوں کی زمین واگزار کرالی

پنجاب حکومت کی قبضہ مافیا کے خلاف ریکارڈ کارروائیاں،اربوں کی زمین واگزار کرالی

تحریک انصاف کی پنجاب حکومت نے ڈھائی سال میں صوبے میں قبضہ مافیا سے185 ارب مالیت کی سرکاری زمین واگزار کروالی ہے۔

تفصیلات کے مطابق وزیراعلی پنجاب عثمان بزدار نے حکومت کی اس کامیابی سے متعلق اپنی ایک ٹویٹ میں کہا کہ "ہم پنجاب میں اب تک تقریباً 185 ارب روپے مالیت کی سرکاری زمینیں قبضہ مافیا سے چھڑوا کر قانونی کارروائی شروع کر چکے ہیں ۔ یہ آپریشن مستقبل میں بھی اسی طرح جاری رہے گا”۔

انہوں نے مزید کہا کہ "ریاست کو اپنی باندی سمجھنے اور ریاست کی ملکیت اثاثوں کو مالِ مفت کی طرح ہڑپ کرنے والوں کو حساب دینا پڑے گا”۔

وزیراعلی عثمان بزدار کے ڈیجیٹل میڈیا پر فوکل پرسن اظہر مشہوانی نے بھی اس حوالے سے تفصیلات بتاتے ہوئے ٹویٹ کی اور بتایا کہ گوجرانوالہ میں ن لیگی رہنما خرم دستگیر نے سرکاری زمین پر پیٹرول پمپ قائم کررکھا تھا، حکومت نے اس زمین کو واگزار کرواکے اس پر زمین کو فیملی پارک میں تبدیل کردیا ہے۔

انہوں نےاپنی دوسری ٹویٹ میں بتایا کہ اینٹی کرپشن نے مسلم لیگ ن کے رہنما عابد شیر علی کے خاندان سے محکمہ جنگلات کی سرکاری زمین واگزار کروالی ہے جس پر ن لیگی رہنما کے خاندان نے فارم ہاؤس و ڈیرہ قائم کررکھا تھا۔

واضح رہے کہ پنجاب اینٹی کرپشن نے ن لیگ کے گزشتہ 10 سالہ دور کے اندر صرف 2اعشاریہ6 ارب کی ریکوری کی تھی جبکہ تحریک انصاف کی حکومت نے 27 ماہ کے اندر 185 ارب روپے کی ریکوری کرلی ہے جو ایک ریکارڈ ہے۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >