طالبہ کے اغوا اور فحش ویڈیو بنانے کے کیس میں ملوث میاں بیوی کو سزا سنا دی گئی

 طالبہ کے اغوا اور فحش ویڈیو بنانے کے کیس میں ملوث میاں بیوی کو سزا سنا دی گئی

راولپنڈی: ایم ایس سی کی طالبہ کے اغوا اور فحش ویڈیو بنانے کے کیس میں ملوث میاں بیوی کو سزائے موت اور عمر قید کی سزا سنا دی گئی۔

رپورٹس کے مطابق ایڈیشنل ڈسٹرکٹ اینڈ سیشن کورٹ نے ایم ایس سی کی طالبہ کے اغوا اور اس کے ساتھ جبری بداخلاقی کرنے کے ساتھ اس کی فحش ویڈیوز بنانے کے کیس میں ملوث میاں بیوی کو سزائے موت اور عمر قید کی سزائیں سنا دی ہیں۔

ایڈیشنل ڈسٹرکٹ اینڈ سیشن جج جہانگیر گوندل نے کیس کا فیصلہ سنایا ہے ، ایڈیشنل ڈسٹرکٹ اینڈ سیشن جج جہانگیر گوندل نے فیصلہ سناتے ہوئے ملزم قاسم جہانگیر کو جبری زیادتی، فحش وڈیوز بنانے کے جرم میں سزائے موت دی ہے۔

ایڈیشنل ڈسٹرکٹ اینڈ سیشن جج نے اپنے فیصلے میں مجرم قاسم کو اغوا کرنے کے جرم میں عمر قید اور ویڈیو اپ لوڈ کرنے پر 3 سال قید سمیت مجموعی طور پر 25 لاکھ روپے جرمانہ ادا کرنے کی سزا سنائی ہے۔

بعدازاں عدالت نے اس سنگین جرم میں شوہر کا ساتھ دینے پر اس کی بیوی کرن جہانگیر کو عمر قید کی سزا سناتے ہوئے 10 لاکھ روپے جرمانہ ادا کرنے کی سزا سنائی ہے۔

خیال رہے کہ میاں بیوی نے طالبہ کو اغوا کرکے اس کے ساتھ جبری زیادتی کرتے ہوئے اس کی پورن وڈیو بنا کر وائرل کر دی تھی، جن کے خلاف تھانہ سٹی نے 5 اگست 2019 کو مقدمہ درج کرکے انہیں گرفتار کیا تھا۔

 طالبہ کے اغوا اور فحش ویڈیو بنانے کے کیس میں ملوث میاں بیوی کو سزا سنا دی گئی

پولیس کے مطابق سزائے موت پانے والا ملزم قاسم جہانگیر ایم ایس سی کی طالبہ سمیت 45 بچیوں کے ساتھ جبری زیادتی اور ان کی فحش ویڈیوز بنانے میں ملوث رہا ہے، جبکہ ملزم کی بیوی کرن انہیں ویڈیوز کو آن لائن سمیت دیگر ذرائع سے فروخت کرتی تھی۔

  • بہت اچھا فیصلہ ہوا ھے مجرمہ مریم نواز صفدر اور اس کے حواری بھی ایک محترم جج صاحب ارشد ملک مرحوم کی ویڈیو بنا کر نمائش کے لئے پیش کر چکے ہیں اور مریم نواز صفدر نے دھمکیاں بھی دی ہیںِ کہ اس کے پاس اور ویڈیوز بھی ہیں۔ لہذاجج ارشد ملک کے گھر والوں کو انصاف دلایا جائے جس کی سرے عام ویڈیوز نمائش کے لئے پیش کر کے مریم نواز صفدر نے مرحوم جج ارشد ملک اور اس کی فیملی کے ساتھ ظلم کیا ھے عوام جج ارشد ملک کی فیملی کے لیے انصاف کی آواز بلند کرتی ھے


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >