اپوزیشن سیاسی نابالغوں نے یرغمال بنا لی ہے :فواد چودھری کا اپوزیشن کو مشورہ
ایک دن عدم اعتماد، دوسرے دن لانگ مارچ تیسرے دن استعفیٰ، جانیئے فواد چودھری نے اپوزیشن کو کیا مشورہ دے ڈالا؟
وفاقی وزیر سائنس و ٹیکنالوجی فواد چودھری نے مائیکروبلاگنگ ویب سائٹ ٹوئٹر پر جاری پیغام میں اپوزیشن کی سیاسی حکمت عملی کو تنقید کا نشانہ بناتے ہوئے کہا کہ اپوزیشن سیاسی نابالغوں نے یرغمال بنا لی ہے، حکومت کی طرف سے پارلیمان میں رابطہ کار کو کہا جا رہا ہے کہ حکومت منتیں کر رہی ہے۔
اپوزیشن سیاسی نابالغوں نے یرغمال بنا لی ہے، حکومت کی طرف سے پارلیمان میں رابطہ کار کو کہا جا رہا ہے کہ حکومت منتیں کر رہی ہے، ایک وزیر اعلیٰ کہ رہا ہے میں وفاق کو جوابدہ ہی نہیں ہوں، الیکشن اصلاحات کا کہو تو اس پر تیار نہیں ایک دن عدم اعتماد دوسرے دن لانگ مارچ تیسرے دن استعفیٰ،
— Ch Fawad Hussain (@fawadchaudhry) January 26, 2021
وفاقی وزیر نے علی زیدی اور مراد علی شاہ کے معاملے پر بھی کہا کہ ایک وزیر اعلیٰ کہہ رہا ہے میں وفاق کو جوابدہ ہی نہیں ہوں، الیکشن اصلاحات کا کہو تو اس پر تیار نہیں ایک دن عدم اعتماد دوسرے دن لانگ مارچ تیسرے دن استعفیٰ ایک دوسرے ٹوئٹ میں انہوں نے اپوزیشن کو ملک کے لیے خطرہ قرار دیا۔
ایسی غیر سنجیدہ سیاسی قیادت ملک کے مستقبل کیلئے خطرہ ہے، نون لیگ اور پیپلزپارٹی کے سنجیدہ لوگ آگے بڑھیں اور متبادل قیادت بنیں، گورننس، الیکشن،عدلیہ اصلاحات انتہائ اہم ہیں لیکن اس نابالغ قیادت سے کون مذاکرات کرے؟
— Ch Fawad Hussain (@fawadchaudhry) January 26, 2021
وفاقی وزیر اپوزیشن پر اپنے تنقیدی انداز کے حوالے سے کافی اہمیت رکھتے ہیں اسی لیے وہ ہر موقع پر اپوزیشن پر تنقیدی نشتر ضرور چلاتے ہیں۔ انہوں نے مسلم لیگ ن اور پی پی کے کارکنوں کو مشورہ دیا کہ متبادل لوگ آگے بڑھ کر قیادت بنیں۔
فواد چودھری نے مزید کہا کہ گورننس، الیکشن،عدلیہ اصلاحات انتہائی اہم ہیں لیکن اس نابالغ قیادت سے کون مذاکرات کرے؟
