سری لنکا میں میتوں کی تدفین،مفتی تقی عثمانی کی وزیراعظم کی کاوشوں کی تعریف


سری لنکا میں مسلمان میتوں کی تدفین کی اجازت عمران خان کی کاوش ہے،مفتی تقی عثمانی

سری لنکن حکومت کی جانب سے کورونا سے ہلاک ہونےوالوں کو جلانے اور دفنانے کی اجازت وزیراعظم عمران خان کے دورے کے اختتام کے چند ہی گھنٹوں کے بعد سامنے آئی۔جس پر مفتی تقی عثمانی نے عمران خان کو خراج تحسین پیش کیا ہے۔

مفتی تقی عثمانی نے ٹوئٹر پیغام میں لکھا کہ الحمد للّٰہ سری لنکا میں مسلمان میتوں کو جلانے کے ظالمانہ قانون کو منسوخ کرنے اور اسلامی طریقے پر دفن کرنے کا جو مطالبہ پوری امت کی طرف سے ہورہا تھا وزیر اعظم عمران خان صاحب کی خصوصی کوششوں سے وہ مان لیا گیا اور اسکا نوٹیفکیشن جاری ہوگیا مبارک ہو۔

سری لنکا کی حکومت نے جمعرات کو کورونا وائرس سے ہلاک ہونے والے افراد کی لاشوں کو جلائے جانے کے حکم کو تبدیل کیا اور اب ان افراد کی آخری رسومات کو، تدفین اور جلایا جانا، دونوں طریقوں سے ادا کیا جا سکے گا۔

سری لنکا کے وزیر صحت نے جمعرات کی سب ایک ترمیمی گزٹ جاری کیا جس میں کووڈ 19 سے ہلاک ہونے والوں کی تدفین اور جلائے جانے، دونوں کی اجازت دی گئی۔

سری لنکن وزیر صحت پوترا ونیاراچے کی جانب سے جاری نوٹیفکیشن میں کہا گیا کہ مرنے والے کو ڈائریکٹر جنرل ہیلتھ سروسز کی ہدایات کے مطابق دفن کیا جائے گا اور اس کے لیے جگہ کی تصدیق اور نگرانی بھی متعلقہ ادارے کی جانب سے کی جائے گی۔

وزیر اعظم عمران خان نے ٹوئٹ میں سری لنکا کی قیادت کا شکریہ ادا کرتے ہوئے لکھا کہ میں سری لنکا کی قیادت کا شکریہ ادا کرتا ہوں اور سری لنکا کی حکومت کے سرکاری نوٹیفکیشن کا خیرمقدم کرتا ہوں جو کووڈ 19 میں مرنے والوں کو تدفین کی اجازت دیتا ہے۔

سری لنکا میں کورونا وائرس سے متاثر ہو کر مرنے والوں کو جلانے کے حکمنامے کے باعث انسانی حقوق کے اداروں,اقوام متحدہ کی ہیومن رائٹس کونسل کی جانب سے شدید تنقید کا نشانہ بنایا گیا۔ اس اقدام پر مسلمان، کیتھولک اور بدھ مت نے تشویش کا اظہار کیا تھا۔

مسلمانوں سمیت دیگر مذاہب سے تعلق رکھنے والے کورونا متاثرہ افراد کی تدفین کی اجازت ملنے پر سری لنکا کے شہریوں نے بھی وزیر اعظم عمران خان کا شکریہ ادا کیا اور کہا کہ آپ کے دورے سے ہمارے لیے آسانی پیدا ہوئی۔

وزیر اعظم عمران خان نے سری لنکن قیادت سے اس مسئلہ پر بات کی تھی جس کے بات سری لنکا کے وزیر اعظم نے عمران خان کوجلد حل کی یقین دہانی کروائی تھی جس پر عمران خان نے سری لنکن قیادت کی یقین دہانی کا خیرمقدم کیا تھا۔


Featured Content⭐


24 گھنٹوں کے دوران 🔥


From Our Blogs in last 24 hours 🔥


>