سینیٹ انتخابات: شہریار آفریدی کا ووٹ ضائع ہونے پر وزیراعظم عمران خان شدید برہم


آج ہونے والے سینیٹ انتخاب میں تحریک انصاف کے رکن قومی اسمبلی شہریار آفریدی کا ووٹ ان کی غلطی سے ضائع ہوا تو وزیراعظم عمران خان نے ان پر سخت برہمی کا اظہار کرتے ہوئے کہا کہ سب کو طریقہ کار بتایا گیا تھا کہ ووٹ کیسے کاسٹ ہوتا ہے، آپ کو ایسی غلطی نہیں کرنا چاہیئے تھی۔

وزیرِ اعظم نے سوال کیا کہ آپ کو نہیں پتہ کس طرح ووٹ کاسٹ کرتے ہیں؟ آپ ایم این اے ہیں، اس طرح کی غلطی کیسے کر دی؟

دراصل سینیٹ الیکشن میں حکومتی رکن شہریار آفریدی نے ووٹ ڈالتے وقت بیلٹ پیپر پر ہندسہ لکھنے کے بجائے دستخط کردیئے تھے، جس کے باعث شہریار آفریدی کا ووٹ ضائع ہو گیا۔

جس کے بعد شہریارآفریدی نے پریزائیڈنگ افسر سے ووٹ ری کاسٹ کرنے کی درخواست کی ، جس میں کہا کہ طبعیت ناساز تھی ،الیکشن تیاری سے متعلق پارٹی میٹنگ میں نہیں جا سکا، میں نے بیلٹ پیپر پر ہندسہ درج کرنے کے بجائے دستخط کردیئے، مجھے دوبارہ ووٹ کاسٹ کرنے کی اجازت دی جائے۔

تاہم میڈیا رپورٹس میں دعویٰ کی جا رہا ہے کہ اس سارے مکالمے کے دوران شہریار آفریدی وزیراعظم کو تسلی بخش جواب نہ دے سکے۔

الیکشن کمیشن نے بتایا ہے کہ بیلٹ پیپر پر دستخط کر دینے سے ووٹ مسترد تصور کیا جائے گا، ووٹ کاسٹ کرنے سے پہلے غلطی کا پتہ لگنے پر آر او نیا بیلٹ پیپر دے سکتا ہے، ووٹ کاسٹ ہونے کے بعد دوبارہ بیلٹ پیپر جاری نہیں کیا جاسکتا۔

 

  • غریدہ باجی کان لگا کر سن رہی تھی۔
    شہر یار آفریدی خود اعتمادی میں مارا گیا اور اس نے ووٹ ڈالنے کی کوئی پریکٹییس نہیں کی جس کا نقصان اٹھانا پڑا


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >