پاکستانی کمپنیوں کی رجسٹریشن میں 186 فیصد اضافہ

پاکستان میں کاروباری آسانیاں ہونے لگیں،پاکستانی کمپنیوں کی رجسٹریشن میں 186 فیصد اضافہ ریکارڈ کیا گیا، سیکیورٹی ایکسچینج کمیشن آف پاکستان کی جانب سے رجسٹریشن سے متعلق اعلامیہ جاری کردیا گیا، اعلامیے میں بتایا گیا کہ کاروباری آسانیوں کے بعد نئی کمپینوں کی رجسٹریشن میں 186 فیصد اضافہ ہوا، گزشتہ سال اسی ماہ کے مقابلے میں 186 فیصد سے زائد کمپنیاں رجسٹرڈ ہوئیں۔

ایس ای سی پی کے مطابق حالیہ رجسٹریشن کے بعد پاکستان میں مجموعی طور پر رجسٹرڈ ہونے والی کمپنیوں کی تعداد 1 لاکھ 41 ہزار 829 تک جا پہنچی،اپریل 2021 میں99فیصدکمپنیاں آن لائن رجسٹرڈہوئیں،جن میں سے بیشتر 94 انفارمیشن ٹیکنالوجی کی ہیں،اسی ماہ میں 43 کمپنیوں میں غیر ملکی سرمایہ کاری بھی ہوئی ہے۔

اعلامیے کے مطابق ٹریڈنگ کے شعبے میں 180، تعمیرات میں 117 ، امپورٹ ایکسپورٹ میں بھی 115 نئی کمپنیاں رجسٹر ڈ ہوئیں،اسلام آباد میں 736 ، لاہور میں 667 ، کراچی میں 378 اور پشاور میں 151 کمپنیاں رجسٹر ہوئیں۔

ایس ای سی پی کے چیئرمین عامر خان کا کہنا ہے کہ کمپنی کی رجسٹریشن کے تمام مراحل ڈیجیٹلائز کردیئے گئے ہیں، جس کے تحت کوئی بھی شخص اپنےگھر، دفتر یا بیرون ملک میں رہتے ہوئے کمپنی رجسٹرڈ کرواسکتا ہے،ایس ای سی پی کی ای سروسز کو سندھ اور پنجاب کے صوبائی محکموں کے ساتھ بھی منسلک کر دیا گیا۔

دوسری جانب پاکستان میں ملازمت کے نئے مواقع میسر ہوگئے، ایمازون نے پاکستان کو سیلر لسٹ میں شامل کرلیا، یہ دنیا کی سب سے بڑی ای کامرس کمپنی ہے، یہ ٹیبلٹ۔ سافٹ ویئر۔ الیکٹرونکس۔ ملبوسات۔ فرنیچر بھی فروخت کرتی ہے۔۔ فروخت کنندہ کے پاس مصدقہ فون نمبر اور بین الاقوامی قابل چارج کریڈٹ کارڈ ہونا چاہیے۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >