صدر مسلم لیگ ن شہباز شریف کی عابد شیر علی کی بیٹیوں سے تعزیت

مسلم لیگ ن کے صدر شہباز شریف نے پارٹی رہنما اور بھانجے عابد شیر علی کی بیٹیوں سے والدہ کی وفات پر تعزیت کی ہے، بچیوں کو حوصلہ دینے کی تصاویر سوشل میڈیا پر وائرل ہورہی ہیں۔
خبررساں ادارے کی رپورٹ کے مطابق مسلم لیگ ن کے رہنما اور شریف برادران کے بھانجے عابد شیر علی کی اہلیہ کا تین روز قبل انتقال ہوگیا تھا ، شہباز شریف کی جانب سے والدہ کی وفات پر عابد شیر علی کی بیٹیوں سے عیادت کی گئی جس کی تصاویر سوشل میڈیا پر وائرل ہوگئی ہیں۔

مائیکرو بلاگنگ ویب سائٹ پر ایک صارف نے شہباز شریف کی بچیوں کے ساتھ تصاویر شیئر کی گئیں جس پر ایک صارف نے پوچھا کہ شہباز شریف کافی غمزدہ لگ رہے ہیں یہ بچے کون ہیں۔

مسلم لیگ ن کی نائب صدر مریم نواز شریف نے اس سوال پر جواب دیتے ہوئے کہا کہ یہ عابد شیر علی کی بیٹیاں ہیں۔
اس سے قبل مریم نواز شریف نے عابد شیر علی کی اہلیہ کی وفات پر تعزیتی پیغام میں کہا کہ اس اچانک موت نے ہمیں غمزدہ کردیا ہے ہم اس دکھ کی گھڑی میں عابد شیر علی کے ساتھ ہیں۔
یادرہے کہ 5 جولائی کو عابد شیر علی کی اہلیہ نجی اسپتال میں وفات پاگئیں تھیں، انہیں دل کا دورہ پڑا تھا جس کے بعد انہیں ہسپتال منتقل کیا گیا تھا مگر وہ جانبر نہ ہوسکیں۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >