طالبات کو سکول لانے کیلئے پختونخوا حکومت کا بڑا اقدام،اربوں روپے کے وظائف جاری

کے پی میں طالبات کیلئے اسکالرشپس،محکمہ تعلیم نےدو ارب تین کروڑ روپے جاری کر دیئے

خیبرپختونخوا محکمہ تعلیم نے طالبات کے لئےدو ارب تین کروڑ روپے کے وظائف مقرر کردیئے ہیں۔

محکمہ تعلیم پختونخوا نے لڑکیوں کو اسکولوں کی طرف راغب کرنے کے لئے ایک اہم اقدام اٹھا لیا۔ پانچ لاکھ سے زائد طالبات کو سالانہ وظائف کی فراہمی کے لئے دو ارب تین کروڑ روپے جاری کر دیئے گئے۔

سرکاری رپورٹ کے مطابق صوبے کے 26 اضلاع میں طالبات کو وظائف دئیے جائیں گے، چھٹی کلاس سے آٹھویں تک دوسو روپے ماہانہ فراہم کیے جائیں گے، نویں اور دسویں جماعت کی طالبات کے لیے 5 سو روپے ماہانہ وظیفہ مقرر کیا گیا ہے۔

صوبائی وزیرتعلیم شہرام ترکئی نے کہا ہے کہ صوبے بھر میں مجموعی طور پر پانچ لاکھ 48 ہزار 316 قابل بچیوں کو وظائف دے رہے ہیں بچیوں کی انرولمنٹ بڑھانے اور ڈراپ آوٹ کم کرنے کے لیے اقدام اٹھایا ہے، میدانی علاقوں سمیت بالائی اضلاع میں بھی خواتین کو تعلیم کی طرف لانا مقصد ہے۔


Featured Content⭐


24 گھنٹوں کے دوران 🔥


From Our Blogs in last 24 hours 🔥


>