کیاواقعی ایمن خان اور منیب بٹ کی شادی میں 70کروڑ خرچ ہوئے تھے؟

اداکارہ ایمن خان اور منیب بٹ جہاں ہوں وہاں یہ سوال جنم لیتا ہے کہ کیا واقعی ان کی طویل ترین شادی میں ستر کروڑ خرچ ہوئے، حال ہی میں ایک تقریب کے دوران اس بات کی وضاحت کر ہی دی کہ ان کی شادی میں ستر کروڑ خرچ نہیں ہوئے۔

سوشل میڈیا ایوارڈز کے دوران ایمن اور منیب بٹ نے اس بات کی وضاحت کی کہ کیا واقعی انہوں نے اپنی شادی میں 70 کروڑ روپے خرچ کیے تھے؟ ایمن خان نے بتایا جس وقت یہ خبر ہم نے سنی ہم دونوں ہنی مون پر گئے ہوئے تھے اور یہ خبر سن کر ہم حیرت زدہ رہ گئے۔

بعد ازاں ایمن خان نے وضاحت کرتے ہوئے کہا کہ یہ ایک افواہ ہے،ان کی شادی میں کتنے پیسے خرچ ہوئے یہ پھر بھی نہیں بتایا۔

دوسال قبل شادی کے بندھن میں بندھنے والی ایمن خان اور منیب بٹ کی جوڑی شادی کی طویل رسموں اور شادی کی تقریبات پر پانی کی طرح پیسہ بہانے کے لیے مشہور ہے جس کی وجہ سے انہیں سوشل میڈیا پر تنقید کا نشانہ بھی بنایا گیا تھا۔ جب کہ سوشل میڈیا پر یہ خبر بھی وائرل ہوئی تھی کہ ان دونوں نے اپنی شادی میں 70 کروڑ کی رقم خرچ کی ہے۔

ایمن خان اور منیب بٹ کی شادی کی رسمیں کئی ہفتوں تک جاری رہی تھیں،مہندی، مایوں، ڈھولکی اور نکاح کے بعد بھی کئی فنکشنز مسلسل جاری تھے،ان دونوں کی شادی کی تقریبات کا سلسلہ کئی ماہ تک چلا تھا اور ہر فنکشن کی ویڈیوز اور تصاویر سوشل میڈیا پر وائرل ہوئی تھیں۔

یہاں تک کہ سوشل میڈیا صارفین بھی اتنی طویل رسموں والی شادی سے تنگ آگئے تھے اور صارفین کی جانب سے ان دونوں کو شادی پر پیسہ پانی کی طرح بہانے پر شدید تنقید کا نشانہ بناتے ہوئے یہ پیسہ کسی اچھے کام میں لگانے کا مشورہ دیا گیا تھا۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >