جی ایچ کیو کے گیٹ نمبر 4 کی پیداوار اور رنگیلامرحوم سے اداکاری سیکھنا

احسن اقبال کو شیخ رشید اور عامر لیاقت کا کرارا جواب

وزیر ریلوے شیخ رشید نے دعویٰ کیا ہے کہ ملک کے تمام سیاستدان جی ایچ کیو کے گیٹ نمبر 4 کی پیداوار ہیں۔  جس پر احسن اقبال میدان میں آگئے اور شیخ رشید کو جواب دیتے ہوئے کہا کہ   شیخ صاحب آپ پاک فوج کے حمایتی ہیں یا دشمنی کر رہے ہیں؟ پاک فوج تو ایک پروفیشنل ادارہ ہے اس کا سیاستدان پیدا کرنے سے کیا کام-

جس پر شیخ رشید نے احسن اقبال کو جواب دیتے ہوئے کہا کہ یہ بات آپ نواز شریف سے بہتر پوچھ سکتے ہیں، باقی امید ہے آپکی طبیعت کافی بہتر ہوگی

اس پر عامر لیاقت کہاں پیچھے رہنےو الے تھے ان کی بھی رگ ظرافت بھڑک اٹھی اور کہا کہ  شیخ صاحب کو اصل میں نواز شریف کی کلکاریاں یاد آگئیں تھی برا نا مانیے گا… , جنرل جیلانی سے احسان فراموشی نہ کیجیے کہ جو انسان رنگیلا مرحوم سے اداکاری نہ سیکھ سکا اسے وزیراعلی بنوادیا

واضح رہے کہ نوازشریف نے جنرل ضیاء الحق کے دور میں اپنے سیاسی کیرئیر کا آغاز کیا ، پہلے وہ صوبائی وزیر خزانہ بنے، پھر وزیراعلیٰ پنجاب بنے۔ نوازشریف کے بارے میں یہ دعویٰ بھی کیا جارہا ہے کہ ضیاء الحق نے  نوازشریف کو دعا دی تھی کہ اسے میری عمر بھی لگ جائے اور کچھ عرصہ بعد ضیاء الحق کی ایک طیارہ حادثے میں موت ہوگئی تھی۔