بابر اعظم سے متعلق منسوب بیان پر اداکارہ میشا شفیع پھٹ پڑیں

مشہور گلوکارہ میشا شفیع نے خود سے منسوب ایک بیان جو قومی کرکٹ ٹیم کے کپتان بابر اعظم سے متعلق تھا کو مسترد کرتے ہوئے شدید ردعمل کا اظہار کیا ہے۔

تفصیلات کے مطابق سوشل میڈیا پر "بابراعظم فین آرمی” نامی ایک انسٹاگرام اکاؤنٹ پر ایک پوسٹ شیئر کی گئی جس میں بابراعظم اور میشا شفیع کی تصاویر تھیں اور ایک تحریر لکھی تھی۔

پوسٹ میں میشا شفیع سے منسوب کرکے لکھا گیا کہ” میں ہمیشہ ٹی وی کے سامنے ٹکی رہتی ہوں جب بابراعظم کھیل رہے ہوتے ہیں، اور جب وہ بیٹنگ سے ہٹتے ہیں میں ٹی وی بند کردیتی ہوں”۔

میشا شفیع کا اس پوسٹ میں مزید کہنا تھا کہ” میں کسی بھی وقت بابرا عظم سے ملنے کیلئے تیار ہوں، مجھے ان سے محبت ہے”۔

میشا شفیع نے انسٹاگرام پر ہی اس پوسٹ کا سکرین شاٹ لے کر اپنا ردعمل دیا اور کہا کہ” مجھے بالکل اندازہ نہیں ہے کہ یہ کس نے کیا ہے ، یہ ایک بیوقوفانہ بات ہے جس کی کوئی سینس نہیں بنتی”۔

انہوں نےسکرین شاٹ پر لکھا کہ مجھ سے منصوب یہ بیان من گھڑت ہے برائے مہربانی اسے ہٹایا جائے، میشا شفیع نے اس اپنی پوسٹ میں انسٹاگرام کو بھی ٹیگ کیا کہ وہ اس جھوٹے بیان کو انسٹاگرام سے ہٹائیں۔