ڈاکٹرشہبازگل نے کس سینئر صحافی کو ن لیگ کا ترجمان قراردیا؟

کیسی صحافت ہے؟شہبازگل کا اشارہ کس صحافی کی جانب ہے جس سے متعلق انہوں نے دعویٰ کیا کہ وہ ن لیگ کا ترجمان بنا ہوا تھا؟

براڈ شیٹ معاملے پر نجی ٹی وی کے پروگرام میں نہال ہاشمی اور تجزیہ کار سلیم بخاری سمیت دیگر مہمان کا پینل بٹھایا گیا، جس پر سب نے اپنی رائے دی، سلیم بخاری نے ماضی کی حکومتوں، پی ٹی آئی حکومت کے احتساب کی بات کی، ساتھ ہی وہ نواز شریف کے حق میں بھی بات کرتے ہوئے نظرآئے، جس پر معاون خصوصی شہباز گل نے جوابی ٹویٹ داغ دیا۔

معاون خصوصی شہباز گل نے کہا کہ آج سما ٹی وی پر ایک سنئیر صحافی مسلم لیگ ن کے کے ترجمان بنے ہوئے تھے،ان کے اپنے بندے سے دفاع نہیں ہو رہا تھا لیکن سینئیر صحافی صاحب نے دو قدم آگے ہو کر دفاع کیا، ایسی اداؤں پر آپکو کیا کہیں ؟ یہ صحافت تو کسی صورت نہیں۔

آج سما ٹی وی پر ایک سنئیر صحافی pmln کے سپوکس پرسن بنے ہوئے تھے۔ ن کے اپنے بندے سے دفاع نہیں ہو رہا تھا لیکن سنئیر صحافی صاحب نے دو قدم آگے ہو کر دفاع کیا۔ ایسی اداؤں پر آپکو کیا کہیں ؟ یہ صحافت تو کسی صورت نہیں۔

— Dr. Shahbaz GiLL (@SHABAZGIL) January 16, 2021

یہ تو معلوم نہیں ہوسکا کہ شہباز گل کا اشارہ کس جانب تھا لیکن سوشل میڈیا صارفین کے مطابق یہ اشارہ اینکر احتشام امیرالدین اور سلیم بخاری کی جانب ہے۔

تجزیہ کار سلیم بخاری نے کہا تھا کہ براڈ شیٹ کے معاملے میں ہونا تو یہ چاہئے تھا کہ نواز شریف کی کرپشن ثابت کی جاتی، لیکن پتا چلا کے اپنے ایک بندے کی گردن پھنس گئی ہے، جس کا نام شہزاد اکبر ہے، شہزاد اکبر گلا پھاڑ پھاڑکر تین گھنٹے تک پریس کانفرنسز کرکے ہمیں سمجھاتے تھے کہ احتساب کیا ہوتا ہے،لیکن اپنا جواب دینے کیلئے وہ تیار نہیں ہیں، جب تک یہ رویئے رہیں گے کہ اپنے سوال کا آٌپ جواب نہ دیں۔

تجزیہ کار سلیم بخاری نے کہا کہ عمران خان کا نعرہ کیا تھا کہ موجودہ وزیراعظم کا سب سے پہلے احتساب ہونا چاہئے، اس کی کابینہ کا سب سے پہلے ہونا چاہئے،یہ نعرہ تھا نہ حکومت میں آنے سے پہلے، کیا ہوگیا اب؟ کہ سیاسی جماعتوں کا کرینگے ہمارے والوں کا احتساب چھوڑ دیں،کسی کی کوئی پکڑ نہیں ہےم ماضی میں جس میں غلط کیا ان کا تو احتساب ہونا چاہئے لیکن اس کا مطلب یہ قطعی نہیں کہ سیٹنگ پرائم منسٹر کو کھلی چھوٹ مل جائے، اپنے نعروں پر قائم رہیں، اور بتائیں یہ ہو کیا رہا ہے اس کا جواب دیں، تب بات بنے گی۔

کچھ سوشل میڈیا صارفین کے مطابق شہباز گل کا اشارہ احتشام امیرالدین کی جانب ہے جو براڈشیٹ معاملے، پی آئی اے طیارے کی ملائیشیا میں ضبطگی اور دیگر معاملات پر حکومت کو آڑے ہاتھوں لے رہے تھے۔

سوشل میڈیا صارفین نے سوال اٹھایا کہ براڈشیٹ اور طیارہ لیز پر لیا جانا پچھلی حکومتوں کا ہے لیکن اس اینکر نے ملبہ موجودہ حکومت پر ڈالنے کی کوشش کی۔سوشل میڈیا صارفین نے اسے صحافتی بددیانتی سے تعبیر کیا۔

واضح رہے کہ براڈ شیٹ کے سربراہ نے شہزاد اکبر سے متعلق انکشافات کئے تھے، نجی ٹی وی کے پروگرام میں گفتگو کرتے ہوئے کہا تھا کہ سعودی عرب سے جنوب مشرقی ایشیا کے کسی بینک میں رقم ٹرانسفر ہوئی تو حکومت پاکستان کو الرٹ کیا تھا، ملاقات کے دوران شہزاد اکبر نے معاملے میں بالکل دلچسپی نہ لی، انہیں صرف ڈسکاوَنٹ حاصل کرنے میں دلچسپی تھی۔

کاوے موسوی نے کہا تھا کہ شہزاد اکبر نے بےوقوفانہ بیان دیا کہ مجھے عدالتی فیصلے کے مطابق جو رقم دی گئی وہ ٹیکس پیئر کا پیسہ تھا،عدالتی حکم پر مجھے جو رقم دی گئی وہ چوروں سے وصول کیے گئے پیسے ہیں۔

انہوں نے کہا تھا کہ بہت سی کرپٹ حکومتوں کا سامنا کیا، امریکی کانگریس کے سامنے پیش ہوا،میکسیکو میں کرپشن کو بھی بےنقاب کیا،براڈ شیٹ نے کہا کہ مشرف دورمیں ہم واحد کمپنی تھے جنہوں نے مفت کام کی آفر کی، ہمارے مقابلے میں دیگر کمپنیوں نے ماہانہ پیمنٹ کی ڈیمانڈ کی تھی، پرویزمشرف کو کہا کہ اگر ہم کامیاب ہوتے ہیں تو اپنا پرسنٹیج لیں گے۔

موسوی نے کہا تھا کہ الزامات لگائے جا رہے ہیں اور معاہدے کو توڑمروڑ کر پیش کیا جا رہا ہے، میں آصف زرداری کا نام تک نہیں جانتا تھا، نوازشریف کے بارے میں اخبار میں پڑھا تھا، مجھے صرف یہ پتہ تھا کہ آصف زرداری بینظیر بھٹو کے شوہر ہیں،یہ جھوٹ ہے کہ میں نے نیب کے نمائندوں کو مشورہ دیا کہ اربوں ڈالرز ڈھونڈ سکتے ہیں، یہ ضرور کہا کہ اربوں ڈالر چوری ہوئے ہیں اور ہم اس کا پتہ لگا سکتے ہیں۔