سوشل میڈیا کی خبریں

حریم شاہ کے مفتی عبدالقوی کو تھپڑ پر سوشل میڈیا صارفین کیا کہتے ہیں؟

By ویب ڈیسک 2

ٹک ٹاک گرل حریم شاہ کا مفتی عبدالقوی کو تھپڑ۔۔ سوشل میڈیا پر موضوع زیربحث۔۔ مفتی عبدالقوی اور حریم شاہ سوشل میڈیا پر ٹاپ ٹرینڈز بن گئے۔

کچھ دیر پہلےسوشل میڈیا پر ایک ویڈیو وائرل ہوئی ہےجس میں دیکھا جاسکتا ہے کہ کراچی کے ایک ہوٹل کے کمرے میں مفتی عبدالقوی بیٹھے ہیں، اچانک معروف ٹک ٹاکر حریم شاہ کمرے میں داخل ہوتی ہیں اور مفتی عبدالقوی کو تھپڑمارکر بھاگ جاتی ہیں۔خاتون سے تھپڑ کھانے کے بعد مفتی عبدالقوی ہکا بکا رہ جاتے ہیں۔

بعدازاں حریم شاہ نے مفتی قوی کو تھپڑ مارنے کی تصدیق کی اور کہا کہ انہوں نے ہی تھپڑ مارا ہے کیونکہ مفتی عبدالقوی ان سے نازیبا اور گھٹیاباتیں کررہے تھے ۔

مفتی عبدالقوی کو تھپڑ پر سوشل میڈیا صارفین کو نیا موضوع مل گیا اور وہ اس پر طرح طرح کے تبصرے کرتے رہے۔ کچھ سوشل میڈیا صارفین مفتی عبدالقوی کی حمایت کرتے رہے تو کچھ سوشل میڈیا صارفین حریم شاہ کے مفتی عبدالقوی کے تھپڑ کو ٹھیک قرار دیتے رہے۔ سوشل میڈیا صارفین کا کہنا تھا کہ ایک عالم دین کو زیب نہیں دیتا کہ ایسی خواتین سے رابطہ رکھے۔ کچھ سوشل میڈیا صارفین تھپڑ پر مفتی عبدالقوی کو ٹرول کرتے رہے۔

سوشل میڈیا صارفین نے یہ بھی کہا کہ کیا ایک عالم دین کو ایسی حرکتیں زیب دیتی ہیں؟ حریم شاہ نے بالکل ٹھیک کیا، مفتی عبدالقوی عالم دین کے لبادے میں گھناؤنی حرکات کررہے ہیں۔ کچھ سوشل میڈیا صارفین نے حریم شاہ کے تھپڑ کو غلط قرار دیتے ہوئے کہا کہ حریم شاہ کی کئی ویڈیوز ہیں جس میں وہ مفتی عبدالقوی سے متعلق نازیبا زبان استعمال کرتی ہے۔ اسے شیطان، ابلیس اور نہ جانے کیا کیا کہتی ہے۔ یہ خاتون ایک طرف تو مفتی عبدالقوی کو برابھلا کہتی ہے تو دوسری طرف مفتی عبدالقوی سے ہی رابطے رکھتی ہے۔

سالار سلطانزئی نے لکھا کہ مفتی قوی اور حریم شاہ مزہب اور عورت کارڈ کے غلط استعمال کی دو روشن مثالیں ہیں۔

علی خان نے لکھا کہ سنا ہے مفتی قوی کو حریم شاہ سے تھپڑ پڑا ہے یہ بندہ نہیں سدھرے گا

آزاد منش نے لکھا کہ سب کے اندر ایک کیڑا ہوتا ہے پر مفتی قوی والا کیڑا کوئی بہت ہی ڈھیٹ اور بے شرم قسم کا ہے۔

بروکن نیوز اکاؤنٹ نے ٹرول کرتے ہوئے لکھا کہ حریم شاہ نے تھپڑ اگر غصے میں مارا ہے تو کوئی بات نہیں ، اگر مذاق میں مارا ہے تو میں واضح کر دوں کہ مذاق مجھے پسند نہیں ہے، مفتی قوی

شعیب ملک نے لکھا کہ وہ تمہیں مفتی قوی کی ویڈیو کی طرف متوجہ کریں گے مگر تم ۔ براڈ شیٹ والے معاملے کو بھول مت جانا

شہزاد مرزا نے لکھا کہ مبینہ طور پر حریم شاہ نے مفتی قوی کو جس طرح کرارا تھپڑ رسید کیا ہے اس کارنامے پر اس کی بےشمار غلطیاں نظر انداز کی جا سکتیں ہیں، واقعی اللہ کسی سے بھی نہی عن المنکر کام لے سکتا ہے۔ ڈونگی مفتی تم اسی قابل تھے۔

مبشرنے لکھا کہ حریم شاہ جیسی بھی ہے ۔ میں اس کا بے حد مشکور ہوں جس نے مفتی قوی جیسے شیطان کا اصل چہرہ عوام کو دکھایا

انورعباس نے لکھا کہ مفتی قوی اور حریم شاہ والا سین سب پری پلان ہوتا ہے حریم کی کافی ویڈیوموجود ہیں جسمیں وہ مفتی کو منافق ٹھرکی خبیث ابلیس اور پتہ نہیں کیاکیاالقاب سے نوازتی ہیں پھر بھی مفتی اورحریم ایک ہوٹل میں اکھٹے کھاناتناول فرماتے ہیں۔

اس پر دیگر سوشل میڈیا صارفین نے بھی تبصرے کئے۔

واضح رہے کہ مفتی عبدالقوی اس سے قبل بھی کئی تنازعات کا شکار ہوچکے ہیں، قندیل بلوچ کے ساتھ انکی ویڈیو بھی بہت وائرل ہوئی تھی، اسکے علاوہ قندیل بلوچ کیس میں بھی انکا نام سامنے آیا۔

    • Featured Content⭐

    View More

    24 گھنٹوں کے دوران 🔥

    View More

    From Our Blogs in last 24 hours 🔥

    View More
    >