کیاترک اداکارہ اسرا بلگیج ‘حلیمہ سلطان’ اس وقت پشاور میں ہیں؟

کیاترک اداکارہ "اسرا بلگیج" المعروف "حلیمہ سلطان" اس وقت پشاور میں ہیں؟

ترک ڈرامہ سیریز "ارطغرل غازی” میں مرکزی کردار ادا کرنے والی ترک اداکارہ "اسرا بلگیج” المعروف "حلیمہ سلطان” کی جانب سے سوشل میڈیا کی ویب سائٹ انسٹا گرام کی سٹوری پر پشاور میں واقع تاریخی اسلامیہ کالج کی تصویر شئیر کی گئی ہے، جس کے ساتھ انھوں نے "پھولوں کا شہر” کا کیپشن لکھا ہے۔

بعد ازاں ترک اداکارہ کی جانب سے شیئر کی گئی پشاور میں واقع اسلامیہ کالج کی تصویر کے بعد سے سوشل میڈیا پر یہ قیاس آرائیاں شروع ہو گئی ہیں کہ حلیمہ سلطان اس وقت پشاور میں موجود ہیں اور وہ پاکستان سپر لیگ (پی ایس ایل) کے چھٹے سیزن میں پشاور زلمی سے وابستہ ہوں گی۔

کیاترک اداکارہ "اسرا بلگیج" المعروف "حلیمہ سلطان" اس وقت پشاور میں ہیں؟

ترک اداکارہ حلیمہ سلطان کی جانب سے  انسٹا گرام کی سٹوری پر شیئر کی گئی صوبہ خیبرپختونخوا میں واقعہ اسلامیہ کالج کی تصویر کے بعد پشاور زلمی کے چیئرمین جاوید آفریدی نے بھی سماجی رابطے کی ویب سائٹ ٹوئٹر پر یہی جملہ ٹوئٹ کیا کہ "پھولوں کا شہر”، جس کے بعد سے سوشل میڈیا پر جاری قیاس آرائیوں میں تیزی آ گئی۔

اس سے قبل ترک اداکارہ اسرا بلگیج نے سماجی رابطوں کی ویب سائٹ ٹویٹر پر ٹویٹ کرتے ہوئے بتایا تھا کہ "وہ جلد پشاور زلمی سے متعلق خوشخبری شیئر کریں گی”، تاہم ان کی اس ٹویٹ کے بعد سے اب تک کوئی بیان نہیں دیا گیا۔

اسرا بلگیج المعروف حلیمہ سلطان کی جانب سے شیئر کی گئی تصویر پر سوشل میڈیا صارفین اور ان کے مداحوں کی جانب سے خوشی کا اظہار کیا گیا ہے اور ہر ایک نے اپنے اپنے انداز میں ٹوئٹر پر جاری اپنے پیغام میں خوشی کا اظہار کیا ہے۔

زینیا سید نامی صارف نے لکھا کہ ہمارے شہر پشاور میں آپ کو خوش آمدید کہتے ہیں۔

اسد خان نامی صارف نے لکھا کہ اس وقت خوشی ہوتی ہے جب دنیا کی خوبصورت اداکاراؤں میں سے ایک آپ کے کالج کی تعریف کرے۔

رابعہ خان نامی صارف نے اپنے ٹویٹر پیغام میں لکھا کہ "آپ یہاں پشاور میں ہیں”

میڈی نے نامی صارف نے لکھا کہ "حلیمہ سلطان پشاور میں گھوم رہی ہیں”

ڈاکٹر علی عنایت نامی سوشل میڈیا صارف نے اپنے پیغام میں لکھا کہ "لگتا ہے کہ حلیمہ سلطان جلد پی ایس ایل 6 میں پشاور زلمی کا حصہ بنیں گی، جاوید آفریدی، اسرا بلگیچ کے اعلان کا منتظر ہوں”

خیال رہے کہ اس سے قبل بھی ترک ڈرامہ سیریل ارطغرل غازی کے مرکزی کردار "اینگن التان” اور کمانڈر عبد الرحمن اور دیگر اداکار پاکستان کا دورہ کر چکے ہیں، اور تمام اداکاروں کی جانب سے پاکستانیوں کی جانب سے ملنے والی بے پناہ محبت پر ان کا تہہ دل سے شکریہ ادا کرتے ہوئے نیک تمناؤں کا اظہار کیا گیا تھا۔


Featured Content⭐


24 گھنٹوں کے دوران 🔥


From Our Blogs in last 24 hours 🔥


>