وزیراعلیٰ سندھ حکومت چلانا وزیراعظم سے سیکھیں، سوشل میڈیا صارفین کا مطالبہ

حکومت سندھ کی جانب سے بڑھتے ہوئے کورونا وائرس کو روکنے کے لیے لاک ڈاؤن کا اعلان کیا گیا تو سوشل میڈیا صارفین نے ٹوئٹر پر پرُزور مہم چلائی کہ انہیں حکومت چلانے کا طریقہ سیکھنے کی ضرورت ہے۔ سوشل میڈیا صارفین نے ٹرینڈ چلایا #KAPTANSYSEKHOMURAD جس کا مطلب ہے کہ صارفین چاہتے ہیں کہ وزیراعلیٰ سندھ حکومتی معاملات وزیراعظم سے سیکھیں۔

تحریک انصاف کے آفیشل سوشل میڈیا اکاؤنٹ سے بل گیٹس کی ایک ویڈیو شیئر کی گئی جس میں وہ پاکستانی حکومت کے اقدامات کی تعریف کرتے ہوئے کہہ رہے ہیں کہ پاکستانی حکومت اس وبا سے بہت اچھے طریقے سے لڑی۔ اس ویڈیو کے کیپشن میں کہا گیا کہ مراد علی شاہ کو اسے سننا اور سمجھنا چاہیے کہ کس طرح این سی او سی اور وزیراعظم کی پالیسیوں کی بدولت پاکستان اس وبا سے چھٹکارا پانے میں کامیاب ہوا ہے۔

جمعہ کے روز سندھ کی صوبائی حکومت نے بڑھتےہوئے کورونا کیسز کے باعث 8 اگست تک لاک ڈاؤن کا اعلان کیا ہے جس میں خصوصی طور پر کراچی کو شامل کیا گیا ہے، بادی النظر میں شہری صوبائی حکومت کے اس فیصلے سے ناخوش ہیں۔ سوشل میڈیا صارفین کا کہنا ہے کہ حکومت سندھ نے پہلے خاطر خواہ اقدامات نہیں کیے نتیجے کے طور پر صوبے کو دوبارہ لاک ڈاؤن کی صورتحال کا سامنا کرنا پڑ رہا ہے۔

سندھ اسمبلی میں قائد حزب اختلاف حلیم عادل شیخ کی بیٹی عائشہ نے ویڈیو بیان میں کہا کہ حکومت سندھ نے مناسب اقدامات نہیں اٹھائے سندھ کیلئے 5 بلین روپے کا کورونا کے نام پر بجٹ رکھا گیا مگر کام کچھ نہیں ہوا۔

فیصل شہزاد گوندل نے کہا کہ 40 سال سے سندھ میں پیپلزپارٹی کی حکومت ہے مگر پھر بھی کہہ رہے ہیں کہ خراب حالات کا ذمہ دار عمران خان ہے۔

فضل عباس نے کہا کہ پیپلزپارٹی نے اپنی مس منیجمنٹ سے پورے سندھ کا نظام تباہ کر کے رکھ دیا ہے۔ کچھ بھی اچھا نہیں کیا نہ یہاں پر کوئی سفری سہولت ہے اور نہ کچھ اور۔ کپتان سے سیکھو مراد

فخر عباس نے کہا کہ کراچی میں اتنی بڑی تعداد میں کورونا پھیلنے کی ذمہ دار خود سندھ حکومت ہی ہے۔

ماہی نے کہا کہ عید کے بعد کچرا کنڈیوں کی حالت خراب ہے شہروں میں بھی کچرے کے ڈھیر ہیں اور جگہ جگہ کوڑے سے تعفن پھیل رہا ہے۔

زینب راجہ نے کہا کہ وفاق اور اس کی تمام اکائیوں کو چاہیے کہ وہ وزیراعظم کی بات سنیں۔ مگر مراد علی شاہ کی ضد اور ہٹ دھرمی کے باعث سندھ کورونا کی بیماری میں دبتا چلا جا رہا ہے۔

چودھری تنویر نے کہا کہ سندھ کے لوگ صاف پانی پینے سے قاصر ہیں کیا اس کے لیے بھی عمران خان ہی ذمہ دار ہیں؟ کپتان سے سیکھو مراد۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >