پی ٹی آئی ایم این اے عالیہ حمزہ نے بھارتی ٹی وی اینکر کو کھری کھری سنادیں

پی ٹی آئی ایم این اے عالیہ حمزہ  نے بھارتی ٹی وی اینکر کو کھری کھری سنادیں

پاکستان تحریک انصاف کی رکن قومی اسمبلی عالیہ حمزہ ملک نے بھارتی ٹی وی چینل پر بیٹھ کر افغانسان میں امن کے حوالے سے بھارتیوں کو کرارا جواب دیدیا۔

تفصیلات کے مطابق رہنما تحریک انصاف عالیہ حمزہ ملک نے کہا کہ میں بھارت کی عورتوں کے ساتھ کھڑی ہوں جہاں ایک گھنٹے میں چار عورتیں جنسی زیادتی کا شکار ہوتی ہیں۔

انہوں نے کہا کہ افغانستان کے عوام کے ہر فیصلے کی عزت کرتے ہیں، پاکستان امن کی حمایت کرتا ہے، ہماری آئی ایس آئی اور ہمارا وزیراعظم عمران خان ہمارا فخر ہے، آج پوری دنیا بشمول امریکہ اور دیگر ممالک کے پاکستان کی جانب دیکھ رہے ہیں، جبکہ بھارت کہیں نہیں ہے افغانستان کی جنگ میں سب سے بڑی ہار بھارت اور نریندر مودی کی ہوئی ہے۔

انہوں نے مزید کہا کہ افغانستان کے حوالے سے پاکستانی کوئی انفرادی قدم نہیں اٹھائے گا، ہم چین اور ایران کے ساتھ مل کر ایک مشترکہ پالیسی بنائیں گے، پاکستان معاشی تعلقات کو فروغ دینا چاہتا ہے اور ہتھیاروں کی سیاست کو ہر صورت میں رد کرتا ہے۔

عالیہ حمزہ نے کہا کہ بھارت پاکستان کو غیر مستحکم کرنے کی کوششیں کررہا ہے، بھارتی میڈیا عوام کو گمراہ کرنے میں پیش پیش ہے، دوحہ معاہدے کی تصاویر دکھا کر بھارتی میڈیا عوام کو گمراہ کررہا ہے، چاہے داسو حملہ ہو یا پراکسی وار کڑیاں بھارت ہی جاکر ملتی ہیں، کلبھونش ایک جیتی جاگتی مثال ہے جسے بھارت نے پاکستان میں انارکی پھیلانے کیلئے بھیجا۔

عالیہ حمزہ نے کہا کہ بھارتی میڈیا بھارتی حکومت اور بی جے پی کے ایجنڈے کو فروغ دے رہا ہے، پاکستان کا میڈیا ایسے اوچھے ہتھکنڈے استعمال نہیں کرتا ہے، بھارت کو چاہئے کہ دوسروں ملکوں کے معاملات میں مداخلت چھوڑ کر اپنے اندرونی معاملات پر توجہ دے۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >