جنید صفدر کے گانے کی تعریف، غریدہ فاروقی کا سوشل میڈیا پر مذاق بن گیا

سوشل میڈیا پر مریم نواز کے صاحبزادے جنید صفدر کا ایک کلپ وائرل ہورہا ہے جس میں وہ اپنی دلہن عائشہ سیف کے ساتھ بیٹھے ہیں اور محمد رفیع کا معروف گانا "کیا ہواتیراوعدہ” گارہے ہیں اور شریف خاندان کے دیگر افراد اور مہمان اس پر تالیاں بجاکر داد دے رہے ہیں۔

جنید صفدر کے گانے پر سوشل میڈیا دلچسپ تبصرے دیکھنے کو مل رہے ہیں، اسی اثناء میں غریدہ فاروقی نے جنید صفدر کے گانے کی تعریف کرتے ہوئے ایسا تبصرہ کیا کہ غریدہ فاروقی کا سوشل میڈیا پر مذاق بن گیا۔

جنید صفدر کے گنگنانے کا کلپ شئیر کرتے ہوئے غریدہ فاروقی نے لکھا کہ واہ۔۔کیا سُریلی آواز پائی ہے جنید صفدر نے۔یقیناً یہ بھی اپنی والدہ مریم نواز سے Inherit کی ہو گی جو خوب خوش الحان ہیں۔

غریدہ فاروقی نے نوازشریف کی تعریف کرتے ہوئے مزید کہا کہ پرانے گانوں کا ذوق اورشوق نوازشریف سےحاصل کیا ہو گا۔محمد رفیع اُنکے پسندیدہ گلوکاروں میں سے ہیں۔ کیا ہوا تیرا وعدہ۔۔۔محمد رفیع کا لازوال گانا

غریدہ فاروقی کے اس ٹویٹ پر سوشل میڈیا پر غریدہ فاروقی کا مذاق بن گیا اور سوشل میڈیا صارفین نے غریدہ فاروقی کے اس ٹویٹ کو خوشامد قرار دیدیا۔سوشل میڈیا صارفین نے سوال کیا کہ یہ صحافی ہیں یا شریف فیملی کے ملازم؟

ملیحہ ہاشمی کا کہنا تھا کہ بھئی واہ۔ "ووٹ کو عزت دو” سے شروع ہوا بیانیہ اب اس مقام پر آ گیا ہے کہ جنید صفدر نے اپنی والدہ مریم نواز اور نانا نوازشریف سے موسیقی کا شوق وراثت میں لیا ہے۔ موسیقی کا بتا رہی ہیں۔ قوم کا اربوں روپیہ جو جناب نے وراثت سمجھ کر ہی لے لیا ہے، اس پر کبھی غریدہ بات نہیں کرتیں

صحافی طارق متین نے تبصرہ کیا کہ جنید صفدر نے بہت اچھا گایا، اتنا کافی ہے۔ پورے خاندان کو گویا مت بنائیے۔

مخدوم شہاب الدین نے تبصرہ کیا کہ بھاگ لگے رہن، نوابیاں قائم نواز شریف دی آل اولاد دی خیر وہڈی ویل لئے بغیر نہیں جانا مولا خوش رکھے

حسین ثاقب نے غریدہ فاروقی کو جواب دیا کہ زے کی بات یہ ہے کہ بدذوقی بھی شاید ورثے میں پائی ہے ورنہ یہ گانا اس خوشی کے موقع کے لئے انتہائی نامناسب تھا. دلہن کے سامنے کسی اور کو وعدہ یاد دلانا… حرام کے پیسوں سے سب کچھ مل سکتا ہے، آپ جیسے خوشامدی بھی، لیکن عقل نہیں آ سکتی۔

ڈاکٹر فاطمہ نے تبصرہ کیا کہ لفافے کی حرص عزتِ نفس کو ختم کر دیتی ہے!!

عنبرین نے تبصرہ کیا کہ وزیر اعظم عمران خان کے تاریخی الفاظ کبھی غلام بڑا نہیں بنتا ، غلام اچھا غلام ہی بنتا ہے جو ذہنی غلامی کی زنجیریں ہیں وہ نہیں ٹوٹتی۔

عامر خورشید نے لکھا کہ جس طرح کی تعریف آج غریدہ نے جنید کے گانے پہ کی انھی جیسوں کےلیے شیخ رشیدنے کہا چمچے کودیگ سے زیادہ گرم نہیں ھوناچاھئے۔

عتیق الرحمان کا کہنا تھا کہ چاپلوسی میں آج غریدہ فاروقی بُرج خلیفہ سے بھی اونچی ہوچکی ہے

ساجد خان کا کہنا تھا کہ اگر صحافیوں کا کام مریم کے بیٹے کی گانا گانے پر پورے خاندان کی تعریف کرنا رہ گیا ہے تو اچھا ہے آپ صحافت چھوڑ کر انکے گھر کی نوکری شروع کر دیں۔

ڈاکٹر عرفان کا کہنا تھا کہ غریدہ نے پہلی بار ن لیگ کے فوج مخالف منافقانہ رویےپر دلیری سےسوال کیا تو مریم نےغریدہ کو سرعام بےعزت کیا اور کہا کہ "زیادہ ہوشیار بن کر گندا نہ کھیلو” اور اب حال یہ ہےکہ قوم کا پیسہ وصول کروانےکیلئےحکومت پر زور دینےکی بجاۓ شریف خاندان کے موسیقی میں Taste پر تعریفوں کے پُل

پارس جہانزیب سے منسوب ایک ٹوئٹر اکاؤنٹ کا کہنا تھا کہ گانے گانے پر اتنی تعریف ، ویسے حد ھوتی ہے چاپلوسی کی بھی ۔انسان کو خوشامد میں اتنا بھی نہیں گرنا چاہئے ، اپنا لیول ہی دیکھ لے انسان۔

سید عامر علی شاہ نے تبصرہ کیا کہ بقول غریدہ، جنید صفدر نے موسیقی اور سریلی آواز اپنے نانا اور والدہ سے وراثت میں لی ہے موصوفہ نے اپنی ایک ٹویٹ میں خوشامد کے پچھلے تمام ریکارڈز توڑتے ہوئے اگلوں کو گلوکار خاندان پینٹ کردیا ہے جبکہ وہ خود کو سیاسی اور حکمران خاندان کہلواتے ہیں

https://twitter.com/AamirAlishaha7/status/1430553813677748231


Featured Content⭐


24 گھنٹوں کے دوران 🔥


From Our Blogs in last 24 hours 🔥


>