سوشل میڈیا کی خبریں

جعلسازی کا الزام لگانیو الی ن لیگ بھی بھارتی ویب سائٹ کی تصاویر استعمال کرتی رہی

By راشد احمد 1

مسلم لیگ ن کی رہنما مریم اورنگزیب کا تحریک انصاف پر اشتہارات میں بھارتی ویب سائٹ کی تصاویر استعمال کرنیکا الزام۔۔ سوشل میڈیا صارفین کا جوابی وار

ترجمان مسلم لیگ مریم اورنگزیب نے الزام لگایا کہ حکومت نے کارکردگی کے اشتہار میں بھارتی ویب سائٹ کی تصاویر استعمال کی ہیں، مریم اورنگزیب نے بھارتی ویب سائٹ کا لنک بھی شیئر کیا۔

مریم اورنگزیب کا کہنا تھا کہ جعلساز عمران صاحب نے تین سال کی اپنی کارکردگی دکھانے کے لئے بھارتی ویب سائٹ کی تصویریں استعمال کی ہیں۔ imagesbazaar.com لنک سے عمران خان حکومت کی” کارکردگی“ رپورٹ کے ثبوت بمع تصویر دیکھے جاسکتے ہیں۔

مریم اورنگزیب نے انکشاف کرتے ہوئے #جعلساز_کے_تین_سال کا ہیش ٹیگ بھی استعمال کیا جس کے بعد یہ سوشل میڈیا پر ٹاپ ٹرینڈ بن گیا جس میں ن لیگ کے حامی حصہ ڈالتے رہے اور تحریک انصاف کو رگیدتے رہے۔

اس پر تحریک انصاف کے حامی کچھ سوشل میڈیا صارفین مسلم لیگ ن کی حکومت کے پرانے اشتہارات سامنے لے آئے جس میں بھی تصاویر بھارتی ویب سائٹ کی استعمال ہوئی تھیں۔

جعلی خبروں کو ایکسپوز کرنیوالے ایک ٹوئٹر ہینڈلر نے ن لیگ دور حکومت کا ایک اشتہار شئیر کیا اور لکھا کہ مسلم لیگ نواز کی طرف سے بھی ماضی میں اسی ویب سائیٹ کی تصویر استعمال ہوئی ہے

مریم اورنگزیب کو جواب دیتے ہوئے اظہرمشوانی کا کہنا تھا کہ اشتہارات حکومت خود بیٹھ کر نہیں بناتی، "Ad agencies” بناتی ہیں اور ایجنسیز مختلف سورسز سے ڈیٹا خرید کر استعمال کرتی ہیں ن لیگی حکومت کے اشتہارات میں بھی اسی ویب سائٹ کی تصاویر استعمال کی گئیں اگر یہ تصاویر بھارت کی ہیں تو فوادچوہدری صاحب کو ایجنسی کے خلاف ایکشن کرنا چاہیے ۔

عقیل نے تبصرہ کیا کہ پتہ ہے یہ 2 نمبری ن لیگ نے کیسے اتنی جلدی پکڑ لی، کیونکہ یہ اپنے اشتہارات میں بھی اسی ویب سائٹ سے تصویریں اٹھا کر استعمال کرکے 2 نمبری کرتے رہے ہیں۔ انہیں فنگر ٹپس پر تھیں یہ تصویریں ورنہ اتنے سیانے نہیں ہیں۔

ایک سوشل میڈیا صارف نے جواب دیا کہ یہ اسٹاک فوٹو کہلاتی ہیں ، ہر جگہ استعمال ہوتی ہیں ، ہر حکومت اور عام کمپنیوں میں کسی بھی کور فوٹو کی ضرورت ہوتی ہے۔ چاہے وہ ہندوستان سے ہوں ، یا روس سے

امیج بازار ویب سائٹ ہے کیا؟
امیج بازار ایک سٹاک فوٹوز کی ویب سائٹ ہے جہاں سے لوگ پریزینٹیشن بنانے ، اشتہارات اور ویب سائٹس کیلئے یہاں سے تصاویر خرید سکتے ہیں۔ ضروری نہیں کہ اس ویب سائٹ پر موجود تمام تصاویر بھارتی لوگوں کی ہیں، امیج بازار ، سٹاک فوٹوز اور دیگر ویب سائٹس پر ہر قسم اور ہر ملک کے حساب سے تصاویر ہوتی ہیں، اگر کسی کو پاکستان سے متعلقہ مواد کیلئے تصاویر کی ضرورت ہوتو وہاں سے ایسے افراد جن کا تعلق پاکستان سے ہو، تصویریں خریدی جاسکتی ہیں۔

    • Featured Content⭐

    View More

    24 گھنٹوں کے دوران 🔥

    View More

    From Our Blogs in last 24 hours 🔥

    View More
    >