کابل ایئر پورٹ پر افغان خاتون سے بدسلوکی کی ویڈیو وائرل

کابل ایئر پورٹ پر افغان خاتون سے بدسلوکی کی ویڈیو وائرل

افغانستان میں طالبان کے کنٹرول کے بعد گمان کیا جارہا تھا کہ افغان خواتین کیلئے حالات بری صورتحال اختیار کرجائیں گے مگر ایسا نہ ہوا الٹا امریکی فوجیوں نے افغانستان سے نکلتے ہوئے افغان خاتون سے بدسلوکی کی ہے جس کی ویڈیو بھی منظر عام پر آگئی ہے۔

خبررساں ادارے کی رپورٹ کے مطابق افغانستان سے جانے کے خواہشمند غیر ملکی اور افغان شہریوں سے متعلق متعدد ویڈیوز منظر عام پر آئی ہیں جنہیں دیکھ کر لوگ افغانستان کی صورتحال کے حوالے سے تشویش میں مبتلا ہوگئے ہیں۔

ایسی ہی ایک ویڈیو برطانوی نشریاتی ادارے بی بی سی کے صحافی سہراب سیرت نے ٹویٹر پر شیئر کی جس میں امریکی فوجی افغان خاتون کے ساتھ بدسلوکی کرتے دکھائی دے رہے ہیں۔

ویڈیو میں دیکھا جاسکتا ہے کہ ایک افغان خاتون ایئر پورٹ جانے کی کوشش میں دیوار پر بیٹھی تھی جس کی دوسری جانب موجود امریکی فوجیوں نے خاتون کو دھکا دیدیا جس پر دوسری جانب موجود لوگوں نے اسے سہارا دے کر گرنے سے بچایا۔

ویڈیو شیئر کرتے ہوئے سہراب سیرت کا کہنا تھا کہ ایک امریکی فوجی نے افغان خاتون کو ایئرپورٹ میں داخل ہونے سے روکنے کیلئے نالے میں دھکا دیدیا۔ انہوں نے کہا کہ امکان ہے کہ یہ ویڈیو ایک روز قبل ریکارڈ کی گئی ہے۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >