ویڈیو:فارمولا ون کار میں کتنے لوگ بیٹھ سکتے ہیں؟ ندا یاسر کے سوالات پر انکا مذاق بن گیا

مارننگ شو کی میزبان ندا یاسر بن گئیں سوشل میڈیا سنسیشن،جی ہاں گزشتہ روز سوشل میڈیا پر ایک ویڈیو وائرل ہوئی جس میں میزبان بڑے ہی باوقارانداز میں مہمانوں سے فارمولا ون ریسنگ کار کے حوالے سے سوالات پوچھ کر عوام کو مستفید کررہی تھیں،مارننگ شو کی میزبان “ندا یاسر” نے امریکی مقابلے “فارمولا اسٹوڈنٹس لنکنگ ” میں حصہ لینے والے نیشل یونیورسٹی آف سائنس اینڈ ٹیکنالوجی کے طلباء کے گروپ سے گفتگو کی۔

ندا یاسر نے مہمانوں کا تعارف کروایا کہ انھوں نے ایک گاڑی ایجاد کی ہے، اس کے بعد پوچھا کہ فارمولا ریسنگ کار جو آپ نے بنائی ہے اس میں کتنے لوگ بیٹھ سکتے ہیں، جس کے جواب میں مہمان نے وضاحت دی،ایک فارمولا ریسنگ کار ہے جس میں صرف ایک ہی شخص بیٹھ سکتا ہے۔ ندا یاسر نے مہمان کی بات مکمل ہونے سے پہلے ہی کہہ دیا کہ اچھا تو ابھی آپ نے شروعات ایک گاڑی بنانے سے کی ہے یعنی یہ ایک چھوٹی گاڑی ہے۔

میزبان کو نہیں پتا کہ فارمولا ون کار اصل میں ہوتی کیا ہے یہ مہمانوں نے جان لیا،لیکن ندا یاسر پھر بھہ چپ نہ رہیں، اپنی ذہانت کا مظاہرہ کرتے ہوئے ایک اور احمقانہ سوال داغ دیا، کہا ابھی فارمولا بنایا ہے آپ ابھی تجربہ کیا ہے، مہمان ہوئے پریشان، بڑہ مشکل سے بتایا کہ یہ ایک فارمولا کار ہے جو ریسنگ کیلئے استعمال ہوتی ہے اور اس میں ایک ہی شخص بیٹھ سکتا ہے۔

ندا یاسر نے یہاں بھی ہمت نہ ہاری، ایک اور سوال داغ دیا کہا آپ لوگ تجربہ کرچکے ہیں؟ اس میں بیٹھ چکے ہیں؟ جس پر مہمان نے ہنسی کنٹرول کی اور جواب دیا کہ جی ہاں ہم نے اس کو بنایا ہے اور اس کو چلایا بھی ہے۔

بس بھئی ندا یاسر دانشمندانہ سوالوں مبنی ویڈیو کلپ وائرل ہوا تو سوشل میٖڈیا پر بھوچال آگیا، صارفین نے تو میزبان کی معلومات پر قل پڑھ لئے، ندا یاسر سوشل میڈیا پر ٹرینڈ کررہی ہیں، لوگ مزے مزے کے تبصرے کررہے ہیں۔

Morning shows host VS Engineers #chotigari #formulapayformula #Snackvideopakistan SnackVideo Pakistan

Posted by Ali Gul Pir on Saturday, September 4, 2021

ایک صارف نے لکھا کہ مارننگ شو کی ذہین ندا یاسر نے ہمیں کبھی مایوس نہیں کیا۔”ابھی ابھی ایک فارمولا بنایا ہے۔ صرف ایک مرد بیٹھ سکتا ہے۔ یہ ایک سے شروع ہوتا ہے”۔

نتاشہ نے ندا یاسر کو ہوم ورک کرنے کا کہہ ڈالا۔۔درخواست کی کہ برائے مہربانی شو شروع کرنے سے پہلے ہوم ورک کرلیا کریں۔

راجا شہریار خان تو ہاتھ جوڑنے پرمجبور ہوگئے۔

اظہر نے شو دیکھنے کا مشورہ دے ڈالا۔

انعم حمید نے کہا ندا یاسر کی اپنے پروگرام میں آئے ہوئے مہمانوں کے ساتھ سنسنی خیز گفتگو ۔

فہیم احمد نے لکھا ندایاسر راکڈ گیسٹ شاکڈ۔

دیگر صارفین بھی مزے مزے کے تبصروں میں مصروف ہیں۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >