شین وارن کی بیسٹ پاکستان الیون،قیادت وسیم اکرم کے سپرد،شعیب خوفناک باؤلر قرار

شین وارن کی  بیسٹ پاکستان الیون،قیادت وسیم اکرم کے سپرد

سابق آسٹریلوی لیگ اسپنر شین وارن نے اپنی عظیم پاکستان الیون ٹیم کااعلان کردیا، جس کے کپتان لیجنڈری پیسر وسیم اکرم ہوں گے۔
انسٹاگرام پر ایک لائیو سیشن کے دوران شین وارن نے اپنی پاکستان الیون کے کھلاڑیوں کو چنا، انہوں نے صرف ان کھلاڑیوں کا انتخاب کیا جن کے خلاف انہوں نے کیریئر میں کھیلا۔
شین وارن کا کہنا تھا کہ "وسیم اکرم بہترین بالر ہیں، گیند کے ساتھ ان کی صلاحیتیں لاجواب ہیں”، انہوں نے سعید انور اور عامر سہیل کو اوپننگ جوڑی جب کہ رنز مشین محمد یوسف کو تیسرے نمبر کا بیٹس مین منتخب کیا اور کہا کہ محمد یوسف فاسٹ اور اسپن باؤلنگ کے خلاف ایک کلاس کے کھلاڑی ہیں ۔
انہوں نے کہا کہ”سعید انور دنیا کے تمام اوپنرز میں سے بہترین رہے ہیں، میں اپنی ورلڈ الیون کی ٹیم میں بھی انور کو اوپنر چنوں گا، سعید انور اور عامر سہیل کی جوڑی بہترین تھی”
شین وارن نے مضبوط مڈل آرڈر کا انتخاب کرتے ہوئے سابق کپتان انضمام الحق اور یونس خان کو شامل کیا جبکہ وکٹ کیپر کیلئے انہوں نے معین خان کو چنا، ساتویں نمبر کے بیٹس مین کیلئے انہوں نے وسیم اکرم کو ہی کافی سمجھا۔
ان کا کہنا تھا کہ انضمام الحق ایک اسپیشل کھلاڑی ہیں اور پیسرز کو تو وہ پیس کے رکھ دیتے تھے، جبکہ یونس خان بڑے سکور کیلئے کھیلتے ہیں۔
بولنگ سائیڈ میں وسیم اکرم کے علاوہ انہوں نے مشتاق احمد اور ثقلین مشتاق کی سپنرز کی جوڑی کو چنا جبکہ راولپنڈی ایکسپریس کے ساتھ وقار یونس سے باؤلنگ اٹیک کو ناقابل تسخیر بنا لیا، ان کا کہنا تھا کہ شعیب اخترتمام باؤلرز میں سے تیز ترین تھے،ایک باولرجو 20 سے 30 میٹر کا سٹارٹ اپ لے اور 100 میل فی گھنٹہ کی سپیڈ سے مسلسل گیند کرواتا ہووہ خوفناک باؤلر ہوتا ہے، جبکہ وقار یونس کی خاصیت ان کی ریورس سوئنگ اور یارکرز تھے۔
شین وارن کی ٹیم کی ترتیب کچھ اس طرح سے بنتی ہے، سعید انور، عامر سہیل، محمد یوسف، انضمام الحق، یونس خان، معین خان(وکٹ کیپر)، وسیم اکرم(کپتان)،ثقلین مشتاق، مشتاق احمد، شعیب اختر ، وقار یونس۔

OR comment as anonymous below

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے


24 گھنٹوں کے دوران 🔥

View More

From Our Blogs in last 24 hours 🔥

View More