کیا شعیب اختر کو کرکٹ بورڈ میں بڑا عہدہ ملنے والا ہے ؟

نجی ٹی وی چینل کے پروگرام میں گفتگو کرتے ہوئے سابق سٹار فاسٹ بولر شعیب اختر نے کہا کہ اگر انہیں قومی کرکٹ ٹیم کے چیف سلیکٹر کا عہدہ ملا تو وہ کھلاڑیوں کا مائنڈ سیٹ تبدیل کریں گے۔ سٹار بولر کا کہنا تھا کہ ویسے تو وہ بڑی پر سکون زندگی گزار رہے ہیں مگر ان سے متعلق ایسی خبروں کی وجہ یہ ہے کہ لوگ اب تبدیلی چاہ رہے ہیں۔

شعیب اختر نے کہا کہ میری پاکستان کرکٹ بورڈ (پی سی بی) کے کسی حکام سے اس سلسلے میں کوئی بات نہیں ہوئی ہے۔ اگر بورڈ کی جانب سے عہدے کی آفر ہوئی تو ضرور سوچوں گا۔

شعیب اختر اگر چیف سلیکٹر بن گئے تو وہ سب سے پہلا کام کیا کریں گے؟Ovais Mangalwala Shiffa Yousafzai

Posted by Subah Say Agay on Friday, September 11, 2020

شعیب اختر نے کہا ہماری ٹیم سے دیگر ممالک کی ٹیمیں ڈرتی تھیں اب وہ چیزیں نظر نہیں آتی، ہمارے کرکٹرز اس انداز سے نہیں کھیلتے جس کی ضرورت ہے۔ انہوں نے کہا اگر موقع ملا تو میں وہ کھویا ہوا مقام واپس حاصل کرنے کی کوشش کروں گا۔

یاد رہے کہ پاکستان کرکٹ بورڈ نے مصباح الحق سے چیف سلیکٹر کا اضافی عہدہ واپس لینے پر غور شروع کردیا ہے۔ نئے چیف سلیکٹر کیلئے شعیب اختر مضبوط امیدوار ہیں اور پی سی بی نے چیف سلیکٹر کے عہدے کے لیے شعیب اختر سے رابطہ بھی کیا ہے۔

میڈیا رپورٹس کے مطابق انگلینڈ میں خراب پرفارمنس کے بعد ہیڈ کوچ اور چیف سلیکٹر مصباح الحق سے ایک عہدہ واپس لینے کا مطالبہ پھر زور پکڑنے لگا جس کے بعد پی سی بی نے بوجھ کو کم کرنے کیلئے ایک عہدہ واپس لینے کیلئے منصوبہ بندی شروع کر دی ہے۔


  • Featured Content⭐


    24 گھنٹوں کے دوران 🔥


    From Our Blogs in last 24 hours 🔥


    >