پاکستانی کھلاڑیوں نے کیچزڈراپ کرنے کا ریکارڈبناڈالا

نیوزی لینڈ کے خلاف دوسرا ٹیسٹ: پاکستانی کرکٹ ٹیم نے کیچز ڈراپ کرنے کے ریکارڈ بنادئیے۔۔ کیچز ڈراپ ہونے کی وجہ سے نیوزی لینڈ کرکٹ ٹیم پہاڑ جیسا سکور کھڑا کرنے میں کامیاب

تفصیلات کے مطابق پاکستان کی ناقص فیلڈنگ اورکیچز ڈراپ کرنے کی وجہ سے نیوزی لینڈ کو بڑا سکور کھڑا کرنے کا موقع مل گیا۔۔پاکستانی فیلڈرز نے نیوزی لینڈ کے خلاف 7 یقینی کیچز ڈراپ کردئیے جس کی وجہ سے نیوزی لینڈ کو 659 رنز کا پہاڑ جیسا سکور کرنے کا موقع مل گیا۔۔

پاکستانی فیلڈز نے نہ صرف کیچز ڈراپ کئے بلکہ کئی رن آؤٹ چانسز بھی ضائع کردئیے۔۔اسکے علاوہ مس فیلڈنگ کی وجہ سے کئی اضافی رنز بھی دئیے۔

کیوی کپتان کین ولیم سن کیریئر کی چوتھی ڈبل سنچری بناکر 238 رنز پر آوٹ ہوگئے۔کپتان ولیم سن جب 82 رنز پر کھیل رہے تھے تو سلپ میں کھڑے حارث سہیل اور شان مسعود کے درمیان سے گیند نکل گئی اور دونوں دیکھتے ہی رہ گئے۔

ولیم سن سنچری مکمل کرنے کے بعد 107رنز پر تھے جب فہیم اشرف کی گیند پر گلی پوزیشن میں کھڑے شان مسعود ان کا کیچ لینے میں ناکام رہے۔واضح رہے کہ شان مسعود کی بیٹنگ میں بھی کارکردگی انتہائی ناقص رہی۔

Cricket is a Ruthless game, don’t play early 🤭 https://t.co/kT7Jbdtave pic.twitter.com/qDa7RpFZ1j

— Sikander Bakht (@Sikanderbakhts) January 4, 2021

Specially for @Sikanderbakhts ✌🏽😃 pic.twitter.com/ruXBeWmsiT

— Mansoor Ali Khan (@_Mansoor_Ali) October 13, 2020

ہنری نکولس کو 87 رنز پر تھے جب انکے کیچ کا وکٹ کیپر محمد رضوان کو چانس ملا لیکن وہ بھی آسان کیچ نہ پکڑسکے۔اس طرح ہنری نکولس 157 رنز بناکر آؤٹ ہوئے۔

پاکستانی کھلاڑیوں کی ناقص پرفارمنس نے باؤلنگ کوچ وقار یونس اور ہیڈ کوچ مصباح الحق کی کارکردگی پر بھی سوالات کھڑے کردئیے۔ پاکستان کرکٹ ٹیم نے اب تک سیریز میں 19نوبالز کی ہیں، جس میں سے 16نسیم شاہ نے کیں۔

دوسری جانب کین ولیمسن اور ہینری نکلس نے ٹیسٹ کرکٹ میں پاکستان کیخلاف دوسری بڑی شراکت قائم کردی، دونوں نے کرائسٹ چرچ ٹیسٹ کے دوسرے روز 215 رنز جوڑے اور ناقابل شکست رہے۔

مہمان ٹیم نے ابھی تک 7یقینی کیچز ڈراپ کرکے نیوزی لینڈ کی مہمان نوازی کا خوب حق ادا کیا، صرف یہی نہیں اس سال پاکستان نے نیوزی لینڈ سے میچز میں 12، ویسٹ انڈیز کے مقابل10اور بنگلہ دیش سے سیریز میں 9کیچ ڈراپ کردیے تھے۔

اس سے قبل برینڈن میک کولم اور کین ولیمسن نے نومبر 2014 میں شارجہ میں 297رنز بنائے تھے،یہ چوتھی وکٹ کیلیے پاکستان کیخلاف سب سے بڑی پارٹنرشپ بھی ہے،اسٹیفن فلیمنگ اور میکملن نے مارچ 2001 کے ہیملٹن ٹیسٹ میں 147رنز بنائے تھے۔

Kane Williamson's innings comes to an end on 238 at Hagley Oval. Pakistan players coming from around the ground to acknowledge the skipper. Kyle Jamieson joins Daryl Mitchell 61* with the team total 585/6 and a 288 run lead. Follow play LIVE in NZ with @sparknzsport #NZvPAK pic.twitter.com/zWeAzZZoQk

— BLACKCAPS (@BLACKCAPS) January 5, 2021

سوشل میڈیا صارفین بھی گرین کیپس کی کارکردگی پر کافی مایوس نظر آتے ہیں۔ انکا کہنا تھا کہ پاکستانی کرکٹ ٹیم کا نیوائیر اور کرسمس ختم ہونے کا نام نہیں لے رہا۔ سوشل میڈیا صارفین کا کہنا تھا کہ اگر پاکستانی ٹیم نے ایسی ہی کرکٹ کھیلنی ہے تو بہتر ہے نہ کھیلے ۔

دوسری جانب باؤلر محمد عباس نے کیچز ڈراپ ہونے پر مایوسی کا اظہار کیا۔ کیچز ڈراپ ہونا ہمارے لیے بہت مہنگا ثابت ہوا ہےمیچ میں کیچز ڈراپ ہونے سے بہت مایوسی ہوتی ہے

کیچز ڈراپ ہونا ہمارے لیے بہت مہنگا ثابت ہوا ہےمیچ میں کیچز ڈراپ ہونے سے بہت مایوسی ہوتی ہےبطور باؤلر اگر وکٹ ملے اور نو بال ہوجائے تو بھی بہت مایوسی ہوتی ہےکین ولیمسن ورلڈ کلاس بیٹسمین ہیں کسی بھی ورلڈ کلاس بیٹسمین کا کیچ چھوڑتے ہیں تو وہ اس سے بھرپور فائدہ اٹھاتا ہے#PAKvNZ pic.twitter.com/AdB8V2pPVh

— Arslan Sherazi (@ImArslanSherazi) January 4, 2021

محمد عباس کا کہنا تھا کہ بطور باؤلر اگر وکٹ ملے اور نو بال ہوجائے تو بھی بہت مایوسی ہوتی ہےکین ولیمسن ورلڈ کلاس بیٹسمین ہیں کسی بھی ورلڈ کلاس بیٹسمین کا کیچ چھوڑتے ہیں تو وہ اس سے بھرپور فائدہ اٹھاتا ہے ۔