پاکستان سپر لیگ: شاہین آفریدی نے بابر اعظم کو آؤٹ کر کے گلے کیوں لگایا تھا؟

پاکستان سپر لیگ کے چھٹے سیزن میں جہاں عوام کو کرکٹ کے بھرپور مقابلے دیکھنے کو مل رہے ہیں وہی گیم سپرٹ کی بھی ایسی مثالیں سامنے ا رہی ہیں جو اپنے دیکھنے والوں کے دلوں پر ایک نقش چھوڑ رہی ہیں۔

کراچی کنگز اور لاہور قلندرز کے میچ کے دوران ایک منظر دیکھنے میں آیا کہ جب قومی ٹیم کے بولر شاہین آفریدی اور قومی ٹیم کے کپتان بابر اعظم کریز پر مدمقابل ہوئے. شاہین کی گیند پر کپتان بابر اعظم آؤٹ ہوئے تو شاہین شاہ آفریدی نے آگے بڑھ کر انہیں گلے سے لگایا.

شاہین شاہ آفریدی کے بابر اعظم کو آؤٹ کر کے گلے لگانے اور معذرت کرنے کے خوبصورت منظر کو شائقین کرکٹ اس میچ کا بہترین لمحہ قرار دے رہے ہیں اور شاہین کے کپتان کو اس طرح عزت دینے کے اقدام کو سراہ رہے ہیں۔

اس حوالے سے پی ایس ایل کے آفیشل سوشل میڈیا اکاؤنٹ سے بتایا گیا کہ شاہین نے اس لمحے سے متعلق کیا کہا تھا، انہوں نے بتایا کہ میچ کے بعد شاہین شاہ آفریدی نے کہا کہ ’بابر اعظم دنیائے کرکٹ کے نمبر ون کھلاڑی ہیں تو انہیں آؤٹ کر کے مجھے لگا کہ اس وکٹ کا جشن نہیں منانا چاہئے اس لیے اسے جا کر معذرت کی.

اس حوالے سے آئی سی سی نے کہا کہ پہلے شاہین آفریدی بھول گئے تھے کہ انہوں نے اپنے انٹرنیشنل کپتان کی وکٹ لی ہے.

جبکہ اس یادگار لمحے کے حوالے شائقین کرکٹ کا یہ کہنا ہے کہ شاہین شاہ آفریدی نے جس طرح اپنے سینئر کھلاڑی کو عزت دی یہ بہت ہی اچھی بات ہے اور بابر اعظم بھی اسی طرح کی عزت کے حقدار ہیں۔

 


Featured Content⭐


24 گھنٹوں کے دوران 🔥


From Our Blogs in last 24 hours 🔥


>