وزیراعظم کااوورسیز پاکستانیوں کی شکایات کے ازالے کیلئے ڈیجیٹل پورٹل بنانے کا فیصلہ

میری بات سے ایسا تاثر گیا کہ دفترخارجہ کو بُرابھلا کہہ دیا،وزیراعظم کی وضاحت

وزیراعظم عمرا ن خان نے عوام کے سوالات پر براہ راست جوابات کے سیشن کے دوران وضاحت کرتے ہوئے کہا کہ ہمارا دفتر خارجہ اور سفارتخانے بہتر ین کام کر رہے ہیں، ایسا محسوس ہوا جیسے پورے دفتر خارجہ کو برا بھلا کہہ رہا ہوں لیکن ایسا نہیں ہے ہماری ایمبسیز بہترین کام کر رہی ہیں۔

وزیراعظم عمران خان نے وضاحت کرتے ہوئے کہا کہ میں ایک چیز کہنا چاہتا ہوں کہ ہمارے سفارت خانے اور دفتر خارجہ نے بہت زبردست کام کیا ہے ، انہوں نے مسئلہ کشمیر کو بہت بہترین انداز میں اٹھایا ہے، اصل میں وہ پروگرام براہ راست نشر نہیں کیا جانا چاہیے تھا، اس کے تھوڑے سے پوائنٹس بھیجنے چاہیئں تھے۔

عمران خان نے کہا کہ اس بات سے ایسے لگا جیسے پورے دفتر خارجہ کو بھی برا بھلا کہہ رہا ہوں، مگر ایسا نہیں ہے وہ زبردست کام کر رہے ہیں۔ شاہ محمود قریشی کے ما تحت ایک پورٹل بنایا جائے گا ، شاہ محمود کے ماتحت خصوصی افسر ہو گا جو ساری شکایات ایمبیسی حل نہیں کرتی وہ یہاں آئیں گی۔

انہوں نے کہا کسی بھی اوورسیز کو مسئلہ ہو تو وہ شاہ محمود کے زیر انتظام چلنے والے پورٹل پر اپنی شکایت درج کروا سکتا ہے ، بیرون ملک مقیم پاکستانی ایمبیسی میں بھی جا سکتے ہیں اور وہ وزیراعظم کے پورٹل پر بھی اپنی شکایات درج کروا سکتے ہیں۔


Featured Content⭐


24 گھنٹوں کے دوران 🔥


From Our Blogs in last 24 hours 🔥


>